.news-body p a {width: auto;float: none;} ചെന്നൈ: ജീവനക്കാരെ പ്രോത്സാഹിപ്പിക്കുന്നതിലും അവരുടെ മാനസികോല്ലാസത്തിനും പ്രധാന്യം നൽകുന്ന നിരവധി കമ്പനികൾ നമ്മുടെ രാജ്യത്തുണ്ട്. ഇപ്പോഴിതാ അത്തരത്തിൽ ഒരു കമ്പനി ജീവനക്കാർക്ക് നൽകിയ സർപ്രൈസാണ് സമൂഹ മാദ്ധ്യമങ്ങളിൽ ശ്രദ്ധ നേടുന്നത്.
ചെന്നൈ ആസ്ഥാനമായുള്ള റിയൽ എസ്റ്റേറ്റ് കമ്പനിയായ ‘കാസാഗ്രാൻഡ്’ അവരുടെ 1000 ജീവനക്കാർക്കായി സ്‌പെയിനിലെ ബാഴ്‌സലോണയിലേക്ക് ഒരു യാത്ര സംഘടിപ്പിച്ചു. ഇവരുടെ എല്ലാ ചെലവും കമ്പനിയാണ് വഹിക്കുക.
ഒരാഴ്‌ചത്തേക്കാണ് ട്രിപ്പ്. കമ്പനിയുടെ ലാഭം വർദ്ധിപ്പിച്ചതിനുള്ള പ്രതിഫലമായാണ് ജീവനക്കാർക്ക് ഈ എക്‌സ്‌ക്ലൂസീവ് ബോണസ് നൽകിയത്.
കഴിഞ്ഞ വർഷം കമ്പനി ലക്ഷ്യമിട്ട ലാഭം കൈവരിക്കുന്നതിൽ പ്രധാന പങ്കുവഹിച്ചത് അർപ്പണബോധവും സഹകരണ മനോഭാവവും പ്രതിബദ്ധതയുമുള്ള ജീവനക്കാരാണ്.
അവർക്കുള്ള സമ്മാനമാണ് ഈ യാത്രയെന്നാണ് പ്രസ്‌താവനയിലൂടെ കമ്പനി അറിയിച്ചത്. ജീവനക്കാരുടെ പദവികളും വകുപ്പുകളും വേർതിരിക്കാതെ എല്ലാവർക്കും ഇതിൽ പങ്കുണ്ടെന്നും കമ്പനി പറഞ്ഞു.
സഗ്രഡ ഫാമിലിയ, പാർക്ക് ഗുവൽ തുടങ്ങിയ ഐക്കോണിക് ലാൻഡ്‌മാർക്കുകളിലേക്കും മോണ്ട്‌ജൂയിക് കാസിൽ പോലുള്ള സ്‌പെയിനിലെ മനോഹരമായ സ്ഥലങ്ങളിലേക്കാണ് യാത്ര. നഗരത്തിലെ ബീച്ചുകൾ പര്യവേക്ഷണം ചെയ്യാനും സാംസ്കാരികവും വിനോദപരവുമായ പരിപാടികൾ ആസ്വദിക്കാനും അവർക്ക് അവസരമുണ്ട്.
ഇന്ത്യയിലും ദുബായിലും ഉൾപ്പെടെ ഇവർക്കുള്ള സ്ഥാപനങ്ങളിലെ ജീവനക്കാരെല്ലാം ഈ യാത്രയിൽ പങ്കെടുക്കും. വർഷങ്ങളായി സിംഗപ്പൂർ, തായ്‌ലൻഡ്, ശ്രീലങ്ക, യുഎഇ, മലേഷ്യ, ലണ്ടൻ എന്നിവയുൾപ്പെടെ നിരവധി രാജ്യങ്ങളിലേക്ക് കമ്പനി ജീവനക്കാർക്ക് സൗജന്യയാത്ര സമ്മാനമായി ഒരുക്കിയിട്ടുണ്ട്.
കൊവിഡ് സമയത്ത് പോലും കമ്പനി യാത്രക്കാരുടെ യാതൊരു ആനുകൂല്യങ്ങളും വെട്ടിക്കുറച്ചിരുന്നില്ല. 2022ൽ സ്വിറ്റ്‌സർലൻഡും 2023ൽ ഓസ്‌ട്രേലിയൻ യാത്രയുമാണ് കമ്പനി ജീവനക്കാർക്ക് ഒരുക്കിയിരുന്നത്.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
