ഏറ്റവും മാരകമായ രോഗങ്ങളെക്കുറിച്ച് മുൻകൂട്ടി അറിയാമെങ്കിൽ നമുക്ക് ജാഗ്രത പാലിക്കാനും പ്രതിവിധികൾ സ്വീകരിക്കാനും കഴിയും. അത്തരത്തിൽ ഇന്ത്യയിൽ ഏറ്റവും കൂടുതൽ മരണങ്ങൾക്ക് കാരണമാകുന്ന മാരകമായ ഏഴ് രോഗങ്ങളെക്കുറിച്ചാണ് ഇനി പറയാൻ പോകുന്നത്. ഇന്ത്യയിൽ ഓരോ വർഷവും ലക്ഷക്കണക്കിന് ആളുകൾ രോഗങ്ങൾ മൂലം മരിക്കുന്നുണ്ട്.
അവബോധമില്ലായ്മ, ചികിത്സ വൈകുന്നത്, അനാരോഗ്യകരമായ ജീവിതശൈലി എന്നിവയാണ് പ്രധാന കാരണങ്ങൾ. ഇന്ത്യയിലെ ഏറ്റവും മാരകമായ ഏഴ് രോഗങ്ങളെക്കുറിച്ച് അറിയാം.
ഇന്ത്യയിലെ മരണങ്ങളുടെ പ്രധാന കാരണം ഹൃദ്രോഗമാണ്. ഉയർന്ന രക്തസമ്മർദ്ദം, പ്രമേഹം, പുകവലി, വറുത്ത ഭക്ഷണങ്ങൾ, സമ്മർദ്ദം, വ്യായാമക്കുറവ് എന്നിവയാണ് കാരണങ്ങൾ.
കൃത്യമായ പരിശോധന, ആരോഗ്യകരമായ ഭക്ഷണം, ചിട്ടയായ ജീവിതശൈലി എന്നിവയിലൂടെ ഇത് തടയാം. ശ്വാസംമുട്ടൽ, നെഞ്ചുവേദന, ക്ഷീണം എന്നിവയാണ് പ്രധാന ലക്ഷണങ്ങൾ.
ആസ്ത്മ, സിഒപിഡി പോലുള്ള രോഗങ്ങൾ ശ്വാസകോശത്തെ ദുർബലമാക്കുന്നു. മലിനീകരണം, പുക എന്നിവയാണ് പ്രധാന കാരണങ്ങൾ.
ശ്വാസതടസ്സമാണ് പ്രാരംഭ ലക്ഷണം. കൃത്യസമയത്ത് ചികിത്സിച്ചാൽ ജീവിതം സാധാരണ നിലയിൽ മുന്നോട്ടു കൊണ്ടുപോകാം.
അണുബാധ തടയാൻ കൈകൾ വൃത്തിയായി സൂക്ഷിക്കുക. ക്ഷയരോഗം പൂർണ്ണമായും ഭേദമാക്കാമെങ്കിലും ഇന്ത്യയിൽ ഇതൊരു മാരക രോഗമാണ്.
ഇത് പ്രധാനമായും ശ്വാസകോശത്തെയാണ് ബാധിക്കുന്നത്. ചികിത്സ വൈകുന്നതും മരുന്ന് കഴിക്കുന്നത് നിർത്തുന്നതുമാണ് പ്രധാന കാരണങ്ങൾ.
മരുന്നിന്റെ കോഴ്സ് പൂർത്തിയാക്കേണ്ടത് അത്യാവശ്യമാണ്. പ്രമേഹം നേരിട്ട് മരണത്തിന് കാരണമാകില്ല, പക്ഷേ ഇത് ഹൃദയം, വൃക്ക, കണ്ണ്, ഞരമ്പുകൾ എന്നിവയെ തകരാറിലാക്കും.
നിയന്ത്രിച്ചില്ലെങ്കിൽ ഹൃദയാഘാതം, പക്ഷാഘാതം എന്നിവയ്ക്ക് കാരണമാകും. ചിട്ടയായ ജീവിതശൈലിയിലൂടെ പ്രമേഹം നിയന്ത്രിക്കാം.
ഇന്ത്യയിൽ കാൻസർ മരണങ്ങൾ വർധിച്ചുവരികയാണ്. രോഗികൾ ഡോക്ടറെ സമീപിക്കാൻ വൈകുന്നതാണ് ഇതിന് പ്രധാന കാരണം.
പുകയില, മലിനീകരണം, അണുബാധ എന്നിവ കാൻസറിലേയ്ക്ക് നയിക്കും. നേരത്തെ കണ്ടെത്തിയാൽ കാൻസർ ചികിത്സിച്ച് ഭേദമാക്കാനും ജീവൻ രക്ഷിക്കാനും സാധിക്കും.
കുട്ടികളിലും പ്രായമായവരിലും വയറിളക്കത്തിന് കാരണം മലിനജലം, ശുചിത്വമില്ലായ്മ, പോഷകാഹാരക്കുറവ് എന്നിവയാണ്. ഒആർഎസ് ലായനിയും ശുദ്ധജലവും കുടിക്കാൻ ശ്രദ്ധിക്കണം.
ആവശ്യമായ മുൻകരുതലുകളെടുത്താൽ മിക്ക മരണങ്ങളും തടയാൻ സാധിക്കും. കുട്ടികളെ വയറിളക്കത്തിൽ നിന്ന് സംരക്ഷിക്കാൻ വീട്ടിൽ ശുചിത്വം പാലിക്കുക.
മാസം തികയാതെയുള്ള ജനനം, അണുബാധ, പ്രസവസമയത്തെ സങ്കീർണതകൾ എന്നിവ കാരണം പല നവജാതശിശുക്കളും ആദ്യ മാസത്തിനുള്ളിൽ തന്നെ മരിക്കുന്നു. ശരിയായ പ്രസവ സൗകര്യങ്ങളൊരുക്കിയും പരിചരണത്തിലൂടെയും ഈ മരണങ്ങൾ തടയാം.
ഈ രോഗങ്ങൾ മൂലമുള്ള മരണങ്ങൾ കുറയ്ക്കാൻ കൃത്യസമയത്തുള്ള പരിശോധന, ബോധവൽക്കരണം, ആരോഗ്യകരമായ ജീവിതശൈലി എന്നിവ പ്രധാനമാണ്. രോഗലക്ഷണങ്ങളെ അവഗണിക്കരുത്.
വിറ്റാമിൻ സി അടങ്ങിയ ഭക്ഷണം കഴിച്ച് രോഗപ്രതിരോധ ശേഷി വർദ്ധിപ്പിക്കുക. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
