ശബരിമല∙ ശബരിമല
ഇന്ന് പമ്പയിൽ മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. ശബരിമലയിലെ അടിസ്ഥാന സൗകര്യ വികസനം പ്രധാന ചർച്ചയാകും.
അയ്യപ്പ സംഗമത്തിൽ 3000 പ്രതിനിധികൾ പങ്കെടുക്കും. 1,300 കോടി രൂപയുടെ മാസ്റ്റർ പ്ലാൻ പദ്ധതികൾ ശബരിമല വികസനത്തിനായി അവതരിപ്പിക്കും.
പദ്ധതി നടത്തിപ്പിനുള്ള സ്പോൺസർമാരെ കണ്ടെത്തുകയാണ് സംഗമത്തിന്റെ പ്രധാന ലക്ഷ്യം.
രാവിലെ 9.30ന് സംഗമത്തിനു തുടക്കമാകും. മന്ത്രി വി.എൻ.വാസവൻ അധ്യക്ഷത വഹിക്കും.
11.40നു സെഷനുകൾ ആരംഭിക്കും. ദർശനത്തിന് എത്തുന്ന തീർഥാടകർക്ക് ബുദ്ധിമുട്ട് ഉണ്ടാക്കാതെ വേണം സംഗമം നടത്താനെന്നു ഹൈക്കോടതി നിർദേശം ഉള്ളതിനാൽ ദേവസ്വം ബോർഡും പൊലീസും കർശന ജാഗ്രതയിലാണ്.
സെപ്റ്റംബർ 15 വരെ ആയിരുന്നു അയ്യപ്പ സംഗമത്തിൽ പങ്കെടുക്കുന്നതിന് ഭക്തർക്ക് റജിസ്റ്റർ ചെയ്യാനുള്ള അവസരം.
റജിസ്ട്രേഷൻ പൂർത്തിയായപ്പോൾ ഇന്ത്യയിൽ നിന്നും വിദേശത്തുനിന്നുമായി 4864 ഭക്തരാണ് അയ്യപ്പ സംഗമത്തിൽ പങ്കെടുക്കുന്നതിനായി റജിസ്റ്റർ ചെയ്തത്. ഇതിൽനിന്ന് ആദ്യം റജിസ്റ്റർ ചെയ്ത 3000 പേരെയാണ് സംഗമത്തിലെ പ്രതിനിധികളായി തിരഞ്ഞെടുത്തത്.
ഈ പ്രതിനിധികൾക്ക് പുറമേ തിരുവിതാംകൂർ ദേവസ്വം ബോർഡ് ക്ഷണിച്ച സാമൂഹിക- സാംസ്കാരിക- സാമുദായിക സംഘടനകളിലെ പ്രതിനിധികളും അയ്യപ്പ സംഗമത്തിൽ പങ്കെടുക്കും.
ക്ഷണിക്കപ്പെട്ടവർക്ക് മാത്രമാണ് അയ്യപ്പ സംഗമത്തിൽ പങ്കെടുക്കാൻ അവസരം.
…
FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
