ആലപ്പുഴയില്‍ സ്കൂട്ടറില്‍ സ്വകാര്യ ബസ് ഇടിച്ച്‌ അപകടം ; റിട്ട. ഡെപ്യൂട്ടി തഹസില്‍ദാർക്ക് ദാരുണാന്ത്യം
ഹരിപ്പാട് : ആലപ്പുഴയില്‍ സ്കൂട്ടറില്‍ സ്വകാര്യ ബസ് ഇടിച്ച്‌ റിട്ട. ഡെപ്യൂട്ടി തഹസില്‍ദാർ മരിച്ചു. തൃക്കുന്നപുഴ ശ്രീധർമ്മശാസ്ത ക്ഷേത്രം ദേവസ്വം സെക്രട്ടറിയും കാർത്തികപള്ളി താലൂക്ക് റിട്ട.ഡെപ്യൂട്ടി താഹസില്‍ദാറുമായ സുഗുണാനന്ദൻ (73)ആണ് മരിച്ചത്. തൃക്കുന്നപുഴ പാലത്തിനു കിഴക്ക് ഇന്നലെ ഉച്ചയ്ക്ക് 1.30 ഓടെയായിരുന്നു അപകടം. സുഗുണാനന്ദൻ സഞ്ചരിച്ച സ്കൂട്ടറില്‍ എതിരെ വന്ന സ്വകാര്യ ബസ് ഇടിക്കുകയായിരുന്നു.
അപകടം നടന്ന ഉടൻ തന്നെ സുഗുണാനന്ദനെ ഹരിപ്പാട് താലൂക്ക് ആശുപത്രിയിലും തുടർന്ന് പരുമലയിലെ സ്വകാര്യആശുപത്രിയിലും എത്തിച്ചെങ്കിലും രക്ഷിക്കാനായില്ല. ഭാര്യ: പരേതയായ ലക്ഷ്മികുട്ടി. മക്കള്‍: സുധിലാല്‍ തൃക്കുന്നപുഴ (ഹരിപ്പാട് ബ്ലോക്ക് പഞ്ചായത്ത് അംഗം), സ്മിത, സംഗീത. മരുമക്കള്‍: മഞ്ജു, അനില്‍, അനീഷ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
