ഫോക്‌സ്‌വാഗൺ ടിഗ്വാൻ ആർ-ലൈൻ ലോഞ്ച് തീയതി പ്രഖ്യാപിച്ചു

അടുത്തിടെ, ഫോക്‌സ്‌വാഗൺ ഇന്ത്യ പുതിയ ടിഗ്വാൻ ആർ-ലൈനിന്റെയും ഗോൾഫ് ജിടിഐയുടെയും ലോഞ്ച് ടൈംലൈൻ പ്രഖ്യാപിച്ചിരുന്നു. ഇപ്പോൾ ആദ്യത്തേതിന്റെ കൃത്യമായ ലോഞ്ച് തീയതി വെളിപ്പെടുത്തിയിരിക്കുന്നു. 2025 ഏപ്രിൽ 14 ന് ലോഞ്ച് ചെയ്യാൻ ഒരുങ്ങുകയാണ്. ജർമ്മൻ ഓട്ടോ ഭീമൻ ടിഗ്വാന്റെ ഏറ്റവും സ്പോർട്ടി പതിപ്പാണ് ആർ-ലൈൻ. ഇത് പൂർണ്ണ ഇറക്കുമതി മോഡലായിട്ടായിരിക്കും എത്തുക. 

ഏറ്റവും പുതിയ തലമുറ ഫോക്‌സ്‌വാഗൺ  ടിഗ്വാൻ 2023 ൽ ആഗോളതലത്തിൽ അരങ്ങേറ്റം കുറിച്ചു. മൈൽഡ്-ഹൈബ്രിഡ്, പ്ലഗ്-ഇൻ ഹൈബ്രിഡ്, പെട്രോൾ, ഡീസൽ ഓപ്ഷനുകൾ ഉൾപ്പെടെ അന്താരാഷ്ട്രതലത്തിൽ വൈവിധ്യമാർന്ന പവർട്രെയിനുകളുമായാണ് ഇത് വരുന്നത്. എങ്കിലും, ഇന്ത്യൻ വിപണിയിൽ, സ്റ്റാൻഡേർഡ് ടിഗുവാനിൽ നിലവിൽ വാഗ്ദാനം ചെയ്യുന്ന 2.0L ടർബോചാർജ്ഡ് പെട്രോൾ എഞ്ചിൻ ഫോക്‌സ്‌വാഗൺ നിലനിർത്താൻ സാധ്യതയുണ്ട്.

ടിഗുവാൻ ആർ-ലൈനിൽ ഏഴ് സ്പീഡ് ഡിഎസ്‍ജി ട്രാൻസ്‍മിഷൻ ഉപയോഗിക്കുമെന്ന് പ്രതീക്ഷിക്കുന്നു. ഇത് നാല് വീലുകളിലേക്കും സ്റ്റാൻഡേർഡായി പവർ നൽകുന്നു. സ്‌പോർട്ടിയർ സ്റ്റൈലിംഗും അധിക സവിശേഷതകളും ഉപയോഗിച്ച്, നിരയിൽ നിന്ന് പുറത്തുപോകുന്ന ടിഗ്വാനേക്കാൾ മുകളിലായിരിക്കും ഇത് സ്ഥാനം പിടിക്കുക. കൂടാതെ വിലയും ഉയർന്നേക്കാം. ടിഗുവാൻ ആർ-ലൈനിന് 265 പിഎസ് പവറും 400 എൻഎം ടോർക്കും ഉത്പാദിപ്പിക്കുന്ന കൂടുതൽ ശക്തമായ 2.0 ലിറ്റർ പെട്രോൾ എഞ്ചിനും ലഭിക്കുമെന്നും റിപ്പോർട്ടുകൾ ഉണ്ട്.

തിളങ്ങുന്ന കറുത്ത നിറത്തിലുള്ള മുൻഭാഗവും, സ്‌പോർട്ടിനെസ് വർദ്ധിപ്പിക്കുന്ന വലിയ എയർ ഇൻലെറ്റുകൾ ഉൾക്കൊള്ളുന്ന കൂടുതൽ സ്‍പോർട്ടി ബമ്പറും കൊണ്ട് സ്റ്റാൻഡേർഡ് മോഡലിൽ നിന്ന് ഫോക്സ്‍വഗൺ ടിഗ്വാൻ R-ലൈൻ വേറിട്ടുനിൽക്കുന്നു. സ്ലീക്ക് LED ഹെഡ്‌ലാമ്പുകൾ, ഗ്രില്ലിൽ R ഇൻസേർട്ട്, ഒരു റൂഫ് സ്‌പോയിലർ, വ്യത്യസ്ത ബമ്പർ ഡിസൈനുകൾ, ട്രപസോയിഡൽ എക്‌സ്‌ഹോസ്റ്റ് പൈപ്പുകൾ, ക്രോം ടച്ചുകൾ, പിന്നിൽ ഒരു തിരശ്ചീന ലൈറ്റ് സ്ട്രിപ്പ് എന്നിവ ഇതിൽ സജ്ജീകരിച്ചിരിക്കുന്നു.

19 ഇഞ്ച് അലോയ് വീലുകളാണ് എസ്‌യുവിയുടെ സ്‌പോർട്ടി സ്വഭാവം കൂടുതൽ ഉയർത്തുന്നത്. ത്രീ-സ്‌പോക്ക് മൾട്ടിഫങ്ഷണൽ സ്റ്റിയറിംഗ് വീൽ, 10.25 ഇഞ്ച് ഡിജിറ്റൽ ഇൻസ്ട്രുമെന്റ് കൺസോൾ, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ ഇന്റർഫേസ്, ഓട്ടോമാറ്റിക് ക്ലൈമറ്റ് കൺട്രോൾ എന്നിവയുള്ള 12.9 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം എന്നിവയാണ് ക്യാബിനിൽ ഉൾപ്പെടുന്നത്. ആംബിയന്റ് ലൈറ്റിംഗ്, പനോരമിക് സൺറൂഫ്, സ്‌പോർട്‌സ് സീറ്റുകൾ എന്നിവയാണ് അധിക ഹൈലൈറ്റുകൾ.

…