ഗുജറാത്തിൽ പിടിച്ചെടുത്തത് 2.28 കോടിരൂപയുടെ മദ്യം; പിടികൂടിയ 82,000 മദ്യകുപ്പികൾ ബുൾഡോസർ കൊണ്ട് തകർത്ത് അധികൃതർ

ഗാന്ധിനഗർ∙ മദ്യനിരോധനം നിലവിലുള്ള ഗുജറാത്തിൽ 2.28 കോടിരൂപയുടെ പിടികൂടി. മദ്യക്കുപ്പികൾ പിന്നീട് ബുൾഡോസർ ഉപയോഗിച്ച് തകർത്തു.

82,000 മദ്യകുപ്പികളാണ് ഗാന്ധിനഗറിന്റെ വിവിധ ഭാഗങ്ങളിലെ റെയ്ഡിൽ പിടിച്ചത്. 154 കേസുകൾ റജിസ്റ്റർ ചെയ്തതായി  അസി.സൂപ്രണ്ട് ആയുഷ് ജെയ്ൻ പറഞ്ഞു.

മദ്യകുപ്പികൾ നശിപ്പിക്കുന്നതിന്റെ വിഡിയോ പുറത്തുവന്നിട്ടുണ്ട്. 
ഗുജറാത്തിൽ മദ്യം വിൽക്കുന്നതിനും കൈവശം വയ്ക്കുന്നതിനും ഉപയോഗിക്കുന്നതിനും വിലക്കുണ്ട്. വിനോദ സഞ്ചാരികൾ ആവശ്യമായ രേഖകൾ നൽകി റജിസ്റ്റർ ചെയ്താൽ നിശ്ചിത അളവിൽ മദ്യം വാങ്ങാം.

മദ്യനിരോധന നിയമം ലംഘിച്ചാൽ 10 വർഷം വരെ തടവും 5 ലക്ഷം രൂപ വരെ പിഴയും ലഭിക്കാം.
Gandhinagar, Gujarat: Police destroyed thousands of bottles of foreign liquor in Koba area using a bulldozer with over 100 police personnel present Disclaimer : വാർത്തയു‍ടെ കൂടെയുള്ള ചിത്രം ചിത്രം @ians_india/x എന്ന അക്കൗണ്ടിൽ നിന്ന് എടുത്തതാണ്.

…