<p>നിരവധി ആരോഗ്യ ഗുണങ്ങള്‍ അടങ്ങിയ ഒരു പഴമാണ് ഞാവല്‍ (ജാമുൻ, ജാവ പ്ലം). വേനൽക്കാലത്തും മഴക്കാലത്തും ഇന്ത്യയിലുടനീളം വ്യാപകമായി വളരുന്ന ഞാവല്‍പ്പഴത്തില്‍ വിറ്റാമിൻ സി, ഇരുമ്പ്, പൊട്ടാസ്യം, നാരുകൾ തുടങ്ങിയവ അടങ്ങിയിരിക്കുന്നു.
ഡയറ്റില്‍ ഞാവല്‍ ഉള്‍പ്പെടുത്തുന്നത് കൊണ്ടുള്ള ഗുണങ്ങള്‍ എന്തൊക്കെയാണെന്ന് നോക്കാം.</p><p><strong>1. രക്തത്തിലെ പഞ്ചസാരയുടെ അളവ് നിയന്ത്രിക്കാൻ</strong></p><p>ഫൈബര്‍ ധാരാളം അടങ്ങിയ ഞാവല്‍ രക്തത്തിലെ പഞ്ചസാരയുടെ അളവ് കുറയ്ക്കാൻ സഹായിക്കും.</p><p><strong>2.
ദഹനം</strong></p><p>നാരുകള്‍ അടങ്ങിയ ഞാവല്‍പ്പഴം മലബന്ധത്തെ ഒഴിവാക്കാനും ദഹന പ്രശ്നങ്ങളെ തടയാനും ദഹനം മെച്ചപ്പെടുത്താനും സഹായിക്കും.</p><p><strong>3. ഹീമോഗ്ലോബിൻ</strong></p><p>ഇരുമ്പും വിറ്റാമിൻ സിയും കൊണ്ട് സമ്പുഷ്ടമായ ഞാവല്‍ ഹീമോഗ്ലോബിൻ ഉത്പാദനം വർദ്ധിപ്പിക്കുകയും വിളർച്ചയെ തടയാനും സഹായിക്കുന്നു.</p><p><strong>4.
പ്രതിരോധശേഷി</strong></p><p>വിറ്റാമിന്‍ സിയും മറ്റ് ആന്‍റി ഓക്സിഡന്‍റുകളും അടങ്ങിയ ഞാവല്‍പ്പഴം കഴിക്കുന്നത് രോഗ പ്രതിരോധശേഷി കൂട്ടാന്‍ ഗുണം ചെയ്യും.</p><p><strong>5. ഹൃദയാരോഗ്യം</strong></p><p>പൊട്ടാസ്യം ധാരാളം അടങ്ങിയ ഞാവല്‍പ്പഴം ഉയര്‍ന്ന രക്തസമ്മർദ്ദത്തെ നിയന്ത്രിക്കാനും ഹൃദയാരോഗ്യം സംരക്ഷിക്കാനും സഹായിക്കും.</p><p><strong>6.
കണ്ണുകളുടെ ആരോഗ്യം</strong></p><p>ഞാവല്‍പ്പഴത്തില്‍ അടങ്ങിയിരിക്കുന്ന വിറ്റാമിൻ എയും മറ്റ് ആന്റിഓക്‌സിഡന്റുകളും കണ്ണുകളുടെ ആരോഗ്യം സംരക്ഷിക്കാന്‍ സഹായിക്കും.</p><p><strong>7. ശരീരഭാരം നിയന്ത്രിക്കാൻ</strong></p><p>കുറഞ്ഞ കലോറിയും ഉയർന്ന നാരുകളും ഉള്ള ഞാവല്‍ വിശപ്പ് കുറയ്ക്കാനും ശരീരഭാരം നിയന്ത്രിക്കാനും സഹായിക്കും.</p><p><strong>8.
ചർമ്മം</strong></p><p>ആന്‍റി ഓക്സിഡന്‍റുകളും ആന്‍റി ബാക്ടീരിയൽ ഗുണങ്ങളും അടങ്ങിയ ഞാവല്‍ പഴം കഴിക്കുന്നത് ചര്‍മ്മത്തിന്‍റെ ആരോഗ്യം സംരക്ഷിക്കാന്‍ സഹായിക്കും.</p><p>ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ആഹാരക്രമത്തില്‍ മാറ്റം വരുത്തുന്നതാവും നിങ്ങളുടെ ആരോഗ്യത്തിന് നല്ലത്.</p><p> </p>
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
