മുൻ എംഎൽഎ കെ.അച്യുതനോടുള്ള ആദരസൂചകമായി ചിറ്റൂർ ഗവ. കോളജിന് ചൊവ്വാഴ്ച ഉച്ചയ്ക്കുശേഷം അവധി പ്രഖ്യാപിച്ച നടപടിക്കെതിരെ വിദ്യാർത്ഥി സംഘടനയായ എസ്എഫ്ഐ രംഗത്ത്.
കോളജിൽ നിശ്ചയിച്ചിരുന്ന എസ്എഫ്ഐയുടെ കൺവൻഷൻ അട്ടിമറിക്കാനുള്ള ബോധപൂർവ്വമായ ശ്രമമാണിതെന്നാണ് സംഘടനയുടെ പ്രധാന ആരോപണം. എന്നാൽ, അന്തരിച്ച നേതാവിന്റെ സംസ്കാരച്ചടങ്ങിൽ പങ്കെടുക്കാൻ വിദ്യാർഥികൾ തന്നെ നേരിട്ട് അവധി ആവശ്യപ്പെട്ടിരുന്നതായി കോളജ് അധികൃതർ വ്യക്തമാക്കി.
ജില്ലാ കലക്ടറുടെ വാക്കാലുള്ള നിർദേശപ്രകാരമാണ് ഉച്ചയ്ക്കുശേഷമുള്ള അവധി അനുവദിച്ചതെന്ന് പ്രിൻസിപ്പൽ അറിയിച്ചു. ചൊവ്വാഴ്ച ഉച്ചയ്ക്ക് 12 മണി മുതൽ കോളജിൽ റഗുലർ ക്ലാസുകൾ ഉണ്ടാകില്ലെന്നാണ് പ്രിൻസിപ്പൽ ഉത്തരവ് പുറപ്പെടുവിച്ചത്.
സംസ്ഥാന പ്രസിഡന്റിന്റെ സാന്നിധ്യത്തിൽ നടത്താനിരുന്ന ഒന്നാം വർഷ വിദ്യാർഥികളുടെ കൺവൻഷൻ തടസ്സപ്പെടുത്താനാണ് അവധി നൽകിയതെന്ന് എസ്എഫ്ഐ യൂണിറ്റ് സെക്രട്ടറി സി.അനിരുദ്ധ് ആരോപിച്ചു. ഇതിന്റെ പ്രതിഷേധ സൂചകമായി ഉച്ചയ്ക്ക് 2 മണിയോടെ വിദ്യാർഥികൾ പ്രിൻസിപ്പലിനെ ഉപരോധിക്കുകയും ചെയ്തു.
എങ്കിലും, മുൻ എംഎൽഎയും കോളജിന്റെ വികസനത്തിൽ നിർണായക പങ്കുവഹിച്ച വ്യക്തിയുമാണ് കെ.അച്യുതൻ എന്നതിനാൽ വിദ്യാർഥികളുടെ ശക്തമായ ആവശ്യപ്രകാരമാണ് അവധി നൽകിയതെന്ന് പ്രിൻസിപ്പൽ ഡോ.ബി.പ്രദീപ് കുമാർ വ്യക്തമാക്കി. മുഖ്യമന്ത്രിയുടെ ഹെലികോപ്റ്റർ കോളജ് മൈതാനത്ത് ഇറങ്ങുന്നതുമായി ബന്ധപ്പെട്ടാണ് അവധി നൽകിയതെന്ന രീതിയിൽ സമൂഹമാധ്യമങ്ങളിൽ തെറ്റായ പ്രചാരണങ്ങൾ നടന്നിരുന്നു.
എന്നാൽ, മുഖ്യമന്ത്രി ഉച്ചയോടെത്തന്നെ ഇവിടെനിന്നു ഹെലികോപ്റ്ററിൽ മടങ്ങിയിരുന്നു. മുഖ്യമന്ത്രിയുടെ സന്ദർശനം
പദവികൾക്കപ്പുറം ജനഹൃദയങ്ങളിൽ ഇടംനേടിയ നേതാവാണ് കെ.അച്യുതൻ എന്ന് മുൻപ് തിരഞ്ഞെടുപ്പുവേളയിൽ തിരിച്ചറിഞ്ഞ മുഖ്യമന്ത്രി വി.ഡി.സതീശൻ, തന്റെ മുൻനിശ്ചയിച്ച ഔദ്യോഗിക പരിപാടികൾ മാറ്റിവച്ചാണ് ചിറ്റൂരിലേക്ക് എത്തിയത്.
കഴിഞ്ഞ നിയമസഭാ തിരഞ്ഞെടുപ്പിൽ സുമേഷ് അച്യുതനു വേണ്ടി വോട്ടഭ്യർത്ഥിക്കാൻ അന്നത്തെ പ്രതിപക്ഷ നേതാവായിരുന്ന വി.ഡി.സതീശൻ ചിറ്റൂരിൽ എത്തിയിരുന്നു. അന്ന് ശാരീരിക അവശതകൾ കാരണം വേദിയിലേക്ക് എത്തിച്ചേരാനാകാതെ സദസ്സിൽ ഇരുന്ന കെ.അച്യുതന്റെ പേര് പരാമർശിച്ചപ്പോൾ പൊതുസമൂഹത്തിൽ നിന്നുണ്ടായ ആവേശകരമായ പ്രതികരണം മുഖ്യമന്ത്രി നേരിട്ട് അനുഭവിച്ചറിഞ്ഞതാണ്.
ചിറ്റൂർ കോളജ് മൈതാനത്ത് വന്നിറങ്ങിയ മുഖ്യമന്ത്രിയെ സ്വീകരിക്കാനായി കലക്ടർ കെ.സുധീർ, തൃശൂർ സിറ്റി പൊലീസ് കമ്മിഷണർ നകുൽ ആർ.ദേശ്മുഖ്, ഡിസിസി പ്രസിഡന്റ് എ.തങ്കപ്പൻ എന്നിവർ സന്നിഹിതരായിരുന്നു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
