സംസ്ഥാന എക്സൈസ് വകുപ്പിൽ വലിയ കോളിളക്കം സൃഷ്ടിച്ചുകൊണ്ട് മുൻ എക്സൈസ് കമ്മിഷണർ സീറാം സാംബശിവറാവു സമർപ്പിച്ച റിപ്പോർട്ട് പുറത്തുവന്നു. വകുപ്പിലെ 2 ഉന്നത ഉദ്യോഗസ്ഥർക്കെതിരെ ഗുരുതരമായ മാസപ്പടി, കൈക്കൂലി ആരോപണങ്ങളാണ് ഈ റിപ്പോർട്ടിൽ ഉന്നയിച്ചിരിക്കുന്നത്.
കമ്മിഷണർ പദവിയിൽനിന്ന് അദ്ദേഹത്തെ മാറ്റാൻ സർക്കാർ ഉത്തരവിട്ട ദിവസം, സ്ഥാനമൊഴിയുന്നതിനു തൊട്ടുമുൻപാണ് ഈ വിവാദ റിപ്പോർട്ട് കൈമാറിയത്.
ഈ വിഷയത്തിൽ പ്രതികരിച്ച അധികാരികൾ, കൈക്കൂലി വിവരം നേരത്തെ അറിഞ്ഞിട്ടും എന്തുകൊണ്ടാണ് സർക്കാരിനെ മുൻകൂട്ടി അറിയിക്കാതിരുന്നതെന്ന് വ്യക്തമാക്കണമെന്ന് ആവശ്യപ്പെട്ടു. സ്ഥലംമാറിപ്പോകുന്ന അവസാന ദിവസമാണ് ഇത്തരമൊരു റിപ്പോർട്ട് നൽകിയത്.
റിപ്പോർട്ട് ലഭിച്ചിരുന്നെങ്കിൽ ശക്തമായ നടപടികൾ സ്വീകരിക്കുമായിരുന്നുവെന്നും കോട്ടയത്തെ ഡപ്യൂട്ടി കമ്മിഷണർക്കെതിരെ മുൻപും നടപടിയെടുത്തിട്ടുണ്ടെന്നും അധികൃതർ വ്യക്തമാക്കി. വൈൻ പാർലറുകൾ ബാറുകളായി മാറിയ സംഭവത്തിൽ ഉദ്യോഗസ്ഥരെ സസ്പെൻഡ് ചെയ്യാൻ നിർദേശം നൽകിയത് ഇതിന് ഉദാഹരണമാണ്.
ഉദ്യോഗസ്ഥർക്കെതിരെ ഉയർന്ന ആരോപണങ്ങളിൽ സമഗ്രമായ അന്വേഷണം നടത്തുമെന്നും ഇതിന് യാതൊരു തടസ്സവുമില്ലെന്നും ഉറപ്പ് നൽകിയിട്ടുണ്ട്. കഴിഞ്ഞ സർക്കാരിന്റെ കാലത്തും നിലവിലുമുള്ള വിവിധ ലൈസൻസ് നടപടികളും വൈൻ പാർലറുകൾ ബാറുകളായി മാറിയ സംഭവങ്ങളും ഗൗരവത്തോടെ കാണുന്നുണ്ട്.
നെടുമ്പാശേരി വിമാനത്താവളത്തിൽ ബാറുകൾ തുറന്നതുൾപ്പെടെയുള്ള കാര്യങ്ങളിൽ വിശദമായ അന്വേഷണം വേണമെന്നാണ് നിലപാട്. ഇൻസ്പെക്ടർമാരുടെ സ്ഥലംമാറ്റത്തിലും നിയമനത്തിലും മന്ത്രിയുടെ ഓഫിസ് ഇടപെട്ടു എന്ന ആരോപണവും ഉയർന്നിട്ടുണ്ട്.
എന്നാൽ അന്യായമായ ഒരു ഇടപെടലും നടത്തിയിട്ടില്ലെന്നും ജീവനക്കാരും കുടുംബാംഗങ്ങളും നൽകുന്ന അപേക്ഷകൾ കമ്മിഷണർക്കു കൈമാറുന്നത് സ്വാഭാവിക നടപടി മാത്രമാണെന്നും വ്യക്തമാക്കിയിട്ടുണ്ട്. എക്സൈസ് കമ്മിഷണറെയും ജോയിന്റ് കമ്മിഷണർമാരെയും നിയമിക്കാനുള്ള അധികാരം സർക്കാരിനാണെങ്കിലും മറ്റ് ഉദ്യോഗസ്ഥരുടെ സ്ഥലംമാറ്റങ്ങൾ ചട്ടപ്രകാരം കമ്മിഷണറുടെ ചുമതലയാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
