തിരുവനന്തപുരം നന്തൻകോടിലെ നിർമ്മാണം തടസ്സപ്പെട്ടു കിടക്കുന്ന ഫ്ലാറ്റിൽ നിന്നും മനുഷ്യന്റെ അസ്ഥികൂടം കണ്ടെത്തി. പ്രാഥമിക ഫോറൻസിക് പരിശോധനയിൽ ഇത് പുരുഷന്റെ അസ്ഥികൂടമാണെന്ന് സ്ഥിരീകരിച്ചിട്ടുണ്ട്.
കഴിഞ്ഞ ഒന്നര വർഷത്തോളമായി നിയമപരമായ തടസ്സങ്ങളെ തുടർന്ന് ഈ കെട്ടിടത്തിന്റെ നിർമ്മാണ പ്രവർത്തനങ്ങൾ നിർത്തിവച്ചിരിക്കുകയായിരുന്നു. അതിനാൽ തന്നെ ഇവിടെ യാതൊരുവിധ ആളനക്കവും ഉണ്ടായിരുന്നില്ല.
എന്നാൽ നിർമ്മാണം പുനരാരംഭിക്കുന്നതിന്റെ മുന്നോടിയായി കാടുകയറിക്കിടന്ന കെട്ടിട പരിസരം വൃത്തിയാക്കാൻ എത്തിയ തൊഴിലാളികളാണ് അസ്ഥികൂടം കണ്ടെത്തിയത്.
സംഭവത്തെ തുടർന്ന് പൊലീസും ഫോറൻസിക് സംഘവും സ്ഥലത്തെത്തി വിശദമായ പരിശോധനകൾ നടത്തി. ഏകദേശം എട്ടുമാസം മുൻപ് തിരുവനന്തപുരം കന്റോൺമെന്റ് പൊലീസ് സ്റ്റേഷൻ പരിധിയിൽ നിന്നും കാണാതായ ഒരു വ്യക്തിയുടേതാണോ ഈ അസ്ഥികൂടം എന്ന സംശയം പ്രാഥമിക ഘട്ടത്തിൽ ഉയർന്നിട്ടുണ്ട്.
എങ്കിലും, ശാസ്ത്രീയമായ ഫോറൻസിക് പരിശോധനാ ഫലം ലഭിച്ചാൽ മാത്രമേ ഇക്കാര്യത്തിൽ അന്തിമ സ്ഥിരീകരണത്തിൽ എത്താൻ സാധിക്കൂ എന്ന് അധികൃതർ വ്യക്തമാക്കി. സംഭവത്തിൽ തുടർ നിയമനടപടികൾ പുരോഗമിക്കുകയാണ്.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
