വെെകുന്നേരം ശർക്കര ചായ കുടിച്ചാലോ ? ​ഗുണങ്ങൾ ചെറുതൊന്നുമല്ല

ഭക്ഷണത്തിന് ശേഷം അൽപം ശർക്കര കഴിക്കുന്ന ശീലം ചിലർക്കെങ്കിലും ഉണ്ടാകും. ദഹനം മെച്ചപ്പെടുത്താനും വളരെയധികം സഹായിക്കുന്ന ഒന്നാണ് ശർക്കര. വെെകുന്നേരങ്ങളിൽ ഒരു കപ്പ് ശർക്കര ചായ കുടിക്കുന്നത് നിരവധി ​ഗുണങ്ങൾ നൽകുന്നു. 

ഇരുമ്പ്, മഗ്നീഷ്യം, പൊട്ടാസ്യം തുടങ്ങിയ അവശ്യ പോഷകങ്ങളാൽ സമ്പന്നമാണ് ശർക്കര. ഇരുമ്പ്, പ്രത്യേകിച്ച്, ഇരുമ്പിന്റെ കുറവുള്ള അനീമിയ ഉള്ളവർക്ക് ഗുണം ചെയ്യും. മഗ്നീഷ്യം പേശികളുടെയും നാഡികളുടെയും പ്രവർത്തനത്തെ പിന്തുണയ്ക്കുന്നുവെന്നും പൊട്ടാസ്യം രക്തസമ്മർദ്ദം നിയന്ത്രിക്കാൻ സഹായിക്കുമെന്നും പഠനങ്ങൾ പറയുന്നു. 

ഭക്ഷണത്തിന് ശേഷം ശർക്കര ചായ കുടിക്കുന്നത് ദഹനക്കേട്, വയറുവേദന തുടങ്ങിയ ദഹന പ്രശ്നങ്ങൾക്കുള്ള സാധ്യത കുറയ്ക്കും. ഇതിന്റെ സ്വാഭാവിക സംയുക്തങ്ങൾ ദഹന എൻസൈമുകളെ ഉത്തേജിപ്പിക്കാൻ സഹായിക്കുന്നു.

ശർക്കരയിൽ ആന്റിഓക്‌സിഡന്റുകളും സിങ്ക്, സെലിനിയം തുടങ്ങിയ ധാതുക്കളും അടങ്ങിയിട്ടുണ്ട്. ഇത് രോഗപ്രതിരോധ ശേഷി ശക്തിപ്പെടുത്തുന്നതിൽ പങ്ക് വഹിക്കുന്നു. ശർക്കര ചായ പതിവായി കഴിക്കുന്നത് ശരീരത്തെ അണുബാധകളെ ചെറുക്കാനും മൊത്തത്തിലുള്ള ആരോഗ്യം നിലനിർത്താനും സഹായിക്കും. എങ്ങനെയാണ് ശർക്കര ചായ തയ്യാറാക്കുന്നതെന്ന് നോക്കിയാലോ?…

വേണ്ട ചേരുവകൾ…

ശർക്കര        3-4 ടീസ്പൂൺ (പൊടിച്ചത്)
തേയില         1 ടീസ്പൂൺ 
ഏലയ്ക്ക       3 എണ്ണം 
പെരുംജീരകം 1 ടീസ്പൂൺ 
കുരുമുളക് ചതച്ചത് ‌അരസ്പൂൺ
 പാൽ             1/2 കപ്പ്

തയ്യാറാക്കുന്ന വിധം…

ആദ്യം പാൽ നല്ലത് പോലെ തിളപ്പിക്കുക. ശേഷം അതിലേക്ക് തേയിലയും ശർക്കരയും ഏലയ്ക്കയും കുരുമുളക് ചതച്ചത് പെരുംജീരകവും ചേർക്കുക. തിളച്ച് കഴിഞ്ഞാൽ അരിച്ചെടുത്ത ശേഷം കുടിക്കുക. 

ഒമേഗ 3 ഫാറ്റി ആസിഡിനുണ്ട് ഈ ഗുണങ്ങള്‍

Last Updated Jan 6, 2024, 6:07 PM IST

…