മാരുതി, ഹ്യുണ്ടായ്, ടാറ്റ തുടങ്ങിയ പ്രമുഖ ബ്രാൻഡുകൾ തങ്ങളുടെ ജനപ്രിയ ഹാച്ച്ബാക്ക് മോഡലുകൾക്ക് വൻ വിലക്കുറവ് പ്രഖ്യാപിച്ചു. എസ്-പ്രസോ, സെലേറിയോ, ആൾട്ടോ കെ10, i20, ആൾട്രോസ് തുടങ്ങിയ കാറുകൾക്ക് 1.3 ലക്ഷം രൂപ വരെയാണ് വില കുറച്ചിരിക്കുന്നത്. മാരുതി സുസുക്കിയുടെ എൻട്രി ലെവൽ ഹാച്ച്ബാക്കായ എസ്-പ്രസോയുടെ വിലയിൽ 1.3 ലക്ഷം രൂപ വരെയാണ് കമ്പനി കുറവ് വരുത്തിയിരിക്കുന്നത്.
4.3 ലക്ഷം രൂപയിൽ ആരംഭിച്ചിരുന്ന എസ്-പ്രസോയുടെ എക്സ്-ഷോറൂം വിലയിൽ ഇതോടെ കാര്യമായ കുറവുണ്ടായി. 7 ഇഞ്ച് ടച്ച്‌സ്‌ക്രീൻ, ആൻഡ്രോയിഡ് ഓട്ടോ, ആപ്പിൾ കാർപ്ലേ, ഡ്യുവൽ എയർബാഗുകൾ, എബിഎസ് തുടങ്ങിയ ഫീച്ചറുകളുള്ള ഈ കാർ സിഎൻജി വേരിയന്റിലും ലഭ്യമാണ്.
മാരുതിയുടെ ജനപ്രിയ ഹാച്ച്ബാക്കായ സെലേറിയോയ്ക്കും കാര്യമായ വിലക്കുറവ് പ്രഖ്യാപിച്ചിട്ടുണ്ട്. 5.64 ലക്ഷം രൂപയായിരുന്ന സെലേറിയോയുടെ പ്രാരംഭ എക്സ്-ഷോറൂം വില, 94,000 രൂപയുടെ കുറവോടെ ഇപ്പോൾ 4.7 ലക്ഷം രൂപയായി മാറി.
7 ഇഞ്ച് ഇൻഫോടെയ്ൻമെന്റ് സിസ്റ്റം, ആറ് എയർബാഗുകൾ, ESC തുടങ്ങിയ സുരക്ഷാ ഫീച്ചറുകളും ഈ മോഡലിനുണ്ട്. പെട്രോൾ, സിഎൻജി എൻജിൻ ഓപ്ഷനുകളിൽ സെലേറിയോ സ്വന്തമാക്കാം.
ഇന്ത്യയിലെ എൻട്രി ലെവൽ സെഗ്‌മെന്റിലെ ജനപ്രിയ മോഡലായ മാരുതി ആൾട്ടോ കെ10-ന് 1.08 ലക്ഷം രൂപയുടെ വിലക്കുറവാണ് പ്രഖ്യാപിച്ചത്. 4.78 ലക്ഷം രൂപയുണ്ടായിരുന്ന പ്രാരംഭ വില ഇതോടെ 3.7 ലക്ഷം രൂപയായി കുറഞ്ഞു.
7 ഇഞ്ച് ഇൻഫോടെയ്ൻമെന്റ് സിസ്റ്റം, ആറ് എയർബാഗുകൾ, എബിഎസ് തുടങ്ങിയ സുരക്ഷാ സംവിധാനങ്ങൾ വാഹനത്തിലുണ്ട്. സിഎൻജി, എഎംടി ഓട്ടോമാറ്റിക് ട്രാൻസ്മിഷൻ ഓപ്ഷനുകളിലും ആൾട്ടോ കെ10 ലഭ്യമാണ്.
ഹ്യുണ്ടായിയുടെ പ്രീമിയം ഹാച്ച്ബാക്ക് മോഡലായ i20-യുടെ വില 97,000 രൂപ വരെ കുറച്ചു. 7.84 ലക്ഷം രൂപയിൽ ആരംഭിച്ചിരുന്ന i20-യുടെ പ്രാരംഭ വില ഇപ്പോൾ 6.87 ലക്ഷം രൂപയായി.
10.25 ഇഞ്ച് ടച്ച്‌സ്‌ക്രീൻ, ബോസ് സൗണ്ട് സിസ്റ്റം, കണക്റ്റഡ് കാർ ടെക്നോളജി, ക്രൂയിസ് കൺട്രോൾ, സൺറൂഫ് എന്നിവയാണ് ഈ വാഹനത്തിന്റെ പ്രധാന ആകർഷണങ്ങൾ. ടാറ്റ മോട്ടോഴ്‌സിൻ്റെ പ്രീമിയം ഹാച്ച്ബാക്കായ ആൾട്രോസിനും ആകർഷകമായ വിലക്കുറവ് ലഭിച്ചിട്ടുണ്ട്.
7.99 ലക്ഷം രൂപയായിരുന്ന വാഹനത്തിൻ്റെ പ്രാരംഭ വില 1.1 ലക്ഷം രൂപയുടെ കുറവോടെ 6.89 ലക്ഷം രൂപയായി. 10.25 ഇഞ്ച് ടച്ച്‌സ്‌ക്രീൻ, ഡിജിറ്റൽ ഡ്രൈവർ ഡിസ്‌പ്ലേ, സൺറൂഫ്, വയർലെസ് ചാർജർ തുടങ്ങിയ ഫീച്ചറുകൾ ആൾട്രോസിലുണ്ട്.
പെട്രോൾ, ഡീസൽ, സിഎൻജി എന്നീ മൂന്ന് ഇന്ധന ഓപ്ഷനുകളിലും ഈ വാഹനം വിപണിയിൽ ലഭ്യമാണ്. FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
