സ്വന്തം ലേഖകൻ
ചെന്നൈ: ചന്ദ്രയാൻ- 3 ഉള്‍പ്പെടെ ഉപഗ്രഹങ്ങളുടെ വിക്ഷേപണത്തിന് കൗണ്ട് ഡൗണ്‍ ശബ്ദം നല്‍കിയ ഐ.എസ്.ആര്‍.ഒ ശാസ്ത്രജ്ഞ എൻ.വളര്‍മതി (64) അന്തരിച്ചു. ഹൃദയാഘാതത്തെത്തുടര്‍ന്ന് ശനിയാഴ്ച വൈകിട്ട് ചെന്നൈയിലായിരുന്നു അന്ത്യം.
ചന്ദ്രയാൻ- 3 ആയിരുന്നു വളര്‍മതിയുടെ അവസാന കൗണ്ട് ഡൗണ്‍ ശബ്ദമെന്ന് ഐ.എസ്.ആര്‍.ഒ മുൻ ഡയറക്ടര്‍ ഡോ. പി.വി. വെങ്കിട്ടകൃഷ്ണൻ ട്വിറ്ററില്‍ അറിയിച്ചു. തമിഴ്നാട് അരിയല്ലൂര്‍ സ്വദേശിയാണ് വളര്‍മതി. 1959 ജൂലായ് 31നായിരുന്നു ജനനം. 1984ല്‍ ഐ.എസ്.ആര്‍.ഒയില്‍ ചേര്‍ന്നു.
വിവിധ മിഷനുകളില്‍ സുപ്രധാന പങ്കു വഹിച്ചിട്ടുണ്ട്.ഇന്ത്യ തദ്ദേശീയമായി വികസിപ്പിച്ച ആദ്യത്തെ റഡാര്‍ ഇമേജിംഗ് സാറ്റലൈറ്റായ റിസാറ്റ്-1ന്റെ പ്രോജക്‌ട് ഡയറക്ടറായിരുന്നു. ഇൻസാറ്റ് 2-എ, ഐ.ആര്‍.എസ് 1-സി, ഐ.ആര്‍.എസ് 1-ഡി എന്നിവയ്ക്ക് പിന്നിലും വളര്‍മതി പ്രവര്‍ത്തിച്ചു. 2015ല്‍ തമിഴ്നാട് സര്‍ക്കാര്‍ അബ്ദുള്‍ കലാം പുരസ്‌കാരം നല്‍കി ആദരിച്ചു.
The post “ഇനി ആ കൗണ്ട്ഡൗണ്‍ ശബ്ദമില്ല” ഐ.എസ്.ആർ.ഒ ശാസ്ത്രജ്ഞ എന്‍.വളര്‍മതി വിടവാങ്ങി appeared first on Third Eye News Live.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
