നിപ്പ സമ്പര്ക്കപ്പട്ടിക: ആകെ 345 പേര്, കൂടുതൽ മലപ്പുറത്ത്
തിരുവനന്തപുരം∙ സംസ്ഥാനത്ത് നിപ്പ സമ്പര്ക്കപ്പട്ടികയില് ആകെ 345 പേര് ഉള്ളതായി ആരോഗ്യമന്ത്രി വീണാ ജോര്ജ്. മലപ്പുറത്ത് 211 പേരും പാലക്കാട് 91 പേരും കോഴിക്കോട് 43 പേരുമാണ് സമ്പര്ക്കപ്പട്ടികയിലുള്ളത്.
കോഴിക്കോട് ജില്ലയിലുള്ള എല്ലാവരും ആരോഗ്യ പ്രവര്ത്തകരാണ്.
Also Read
മലപ്പുറം, കോഴിക്കോട് മെഡിക്കല് കോളജുകളില് നടത്തിയ പരിശോധനയില് നിപ്പ കണ്ടെത്തിയതിനെ തുടര്ന്ന് പുണെ വൈറോളജി ഇന്സ്റ്റിറ്റ്യൂട്ടില് നിപ്പ സ്ഥിരീകരണത്തിനായി അയച്ച സാംപിളുകളില് പാലക്കാട് ചികിത്സയിലുള്ളയാള് പോസിറ്റീവായി. പാലക്കാട്ടെ രോഗിയുടെ റൂട്ട് മാപ്പ് പ്രസിദ്ധീകരിച്ചു.
സ്ഥിരീകരണം വരുന്നതിനു മുമ്പ് തന്നെ പ്രോട്ടോകോള് അനുസരിച്ചു പ്രതിരോധ നടപടികള് ശക്തമാക്കിയിരുന്നു. മലപ്പുറത്തെ രോഗിയുടെ പരിശോധനാ ഫലം പുറത്തുവന്നിട്ടില്ല.
രണ്ട് നിപ്പ കേസുകളുമായി ബന്ധപ്പെട്ടു കോഴിക്കോട്, മലപ്പുറം, പാലക്കാട് ജില്ലകളില് ജാഗ്രതാ നിര്ദേശം നല്കിയിട്ടുണ്ട്.
Also Read
വവ്വാലുകളെ പടക്കം പൊട്ടിച്ചോ മറ്റോ ഓടിക്കാന് പാടില്ലെന്നു വിദഗ്ധര് പറഞ്ഞു.
ആശുപത്രികളും ആരോഗ്യ സ്ഥാപനങ്ങളും കേന്ദ്രീകരിച്ച് സമ്പര്ക്കമുള്ളവരെ കണ്ടെത്തുന്ന പ്രവര്ത്തനം ശക്തമാക്കാന് നിര്ദേശം നല്കി. സമ്പര്ക്കപ്പട്ടികയില് പെടാത്ത ആരെങ്കിലുമുണ്ടോയെന്ന് സൂക്ഷ്മമായി പരിശോധിക്കണം.
സുരക്ഷാ ഉപകരണങ്ങള് ഉള്പ്പെടെ ആശുപത്രികളില് ഉറപ്പാക്കണം. ഉറവിടം കണ്ടെത്താനുള്ള പ്രവര്ത്തനങ്ങളും ശക്തമാക്കണം.
റൂട്ട് മാപ്പ് ഉടന് തന്നെ പുറത്തിറക്കണം.
Also Read
കഴിഞ്ഞ മാസം 25, 26 തീയതികളിലാണു നിപ്പ ബാധിച്ച രണ്ടു പേര്ക്കും രോഗലക്ഷണങ്ങള് കണ്ടു തുടങ്ങിയത്.
ഈ പ്രദേശങ്ങളില് നിന്ന് 3 ആഴ്ച മുമ്പ് തൊട്ടുള്ള വിവരങ്ങള് ശേഖരിക്കും. ഇവിടങ്ങളില് നിശ്ചിത കാലയളവില് മസ്തിഷ്ക ജ്വരമോ ന്യൂമോണിയയോ ബാധിച്ച് ആരെങ്കിലും മരിച്ചിട്ടുണ്ടോ എന്ന് പരിശോധിക്കണം.
Also Read
സ്റ്റേറ്റ് കണ്ട്രോള് റൂമും ജില്ലാ കണ്ട്രോള് റൂമുകളും സ്ഥാപിച്ചു. 26 കമ്മിറ്റികള് വീതം 3 ജില്ലകളില് രൂപീകരിച്ചു.
രണ്ട് നിപ്പ കേസുകളുമായി ബന്ധപ്പെട്ട് കോഴിക്കോട്, മലപ്പുറം, പാലക്കാട് ജില്ലകളില് ജാഗ്രതാ നിര്ദേശം നല്കിയിട്ടുണ്ട്. പൊലീസിന്റെ കൂടി സഹായത്തോടെ സമ്പര്ക്ക പട്ടിക തയാറാക്കി വരുന്നു.
രണ്ട് ജില്ലകളില് കണ്ടെയ്ൻമെന്റ് സോണുകള് കലക്ടര്മാര് പ്രഖ്യാപിച്ചു. കണ്ടെയ്ൻമെന്റ് സോണുകളില് മാസ്ക് നിര്ബന്ധമാണ്. Disclaimer: ഈ വാർത്തയ്ക്കൊപ്പം ഉപയോഗിച്ചിരിക്കുന്ന ചിത്രം മലയാള മനോരമയുടേതല്ല.
ഇത് Istock എന്ന സൈറ്റിൽ നിന്ന് എടുത്തിട്ടുളളതാണ്. ഈ വാർത്ത കൂടുതൽ വ്യക്തവും സമഗ്രവുമാക്കുന്നതിനാണ് ഈ ചിത്രം ഉപയോഗിച്ചിരിക്കുന്നത്.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
