കനത്ത മഴ… വൈദ്യുതിയും പോയി, അടുക്കളവാതിൽ തുറക്കുന്ന ശബ്ദം കേട്ട് ടോർച്ച് തെളിച്ചപ്പോൾ ടെറസിൽ നിന്നു ഭയാനകമായ ശബ്ദം; തുടർന്ന് വീടിന് മുകളിലേക്ക് കല്ലേറും; കോട്ടയം പനച്ചിക്കാട് രത്നമ്മയുടെ വീട്ടിൽ പിന്നീട് സംഭവിച്ചത്…!
കോട്ടയം: അടുക്കളയുടെ കതകു തുറന്നു മോഷണം നടത്താൻ ശ്രമം.
ശബ്ദം കേട്ട് വീട്ടുകാർ ഉണർന്നതോടെ വീടിനു മുകളിലേക്കു കല്ലേറും ഭയാനകമായ ശബ്ദവും. പനച്ചിക്കാട് കുഴിമറ്റം കാവിത്താഴെ ഡോ.എ.ആർ.രത്നമ്മയുടെ വീട്ടിലാണ് വെള്ളിയാഴ്ച പുലർച്ചെ 12നു ശേഷം മോഷണശ്രമം നടന്നത്.
പ്രദേശത്ത് കനത്ത മഴയുണ്ടായിരുന്നു. വൈദ്യുതിയും പോയി. അടുക്കളവാതിൽ തുറക്കുന്ന ശബ്ദം കേട്ട് എഴുന്നേറ്റു ടോർച്ച് തെളിച്ചു. ഇതിനിടെ വീടിന്റെ ടെറസിൽ നിന്നു ഭയാനകമായ ശബ്ദം കേട്ടു.
തേർഡ് ഐ ന്യൂസിന്റെ വാട്സ് അപ്പ് ഗ്രൂപ്പിൽ അംഗമാകുവാൻ ഇവിടെ ക്ലിക്ക് ചെയ്യുക
| |
ടെറസിൽ കയറിയതോടെ റോഡിൽ നിന്നു കല്ലേറുണ്ടായി. വലിയ 2 കിലോ ഭാരമുള്ള കരിങ്കല്ലാണു ടെറസിന് മുകളിലേക്കു വീണത്. ദേഹത്തു വീഴാതിരുന്നതു ഭാഗ്യമായി.
സമീപവാസികളെ വിളിച്ചു തിരച്ചിൽ നടത്തുന്നതിനിടെ വീണ്ടും കല്ലേറുണ്ടായി. ചിങ്ങവനം പൊലീസ് സ്റ്റേഷനിൽ വീട്ടുകാർ പരാതി നൽകി. പൊലീസും ഫൊറൻസിക് വിദഗ്ധരും സ്ഥലത്ത് പരിശോധന നടത്തി.
ഫൊറൻസിക് വിഭാഗം നടത്തിയ പരിശോധനയിൽ, ടെറസിൽ വലിയ കല്ല് വീണ് തെറിച്ചുണ്ടായ ശബ്ദമാകാം വീട്ടുകാരെ ഭയപ്പെടുത്തിയതെന്നാണു നിഗമനം.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
