തൃശൂരിൽ ആന ഇടഞ്ഞു; പാപ്പാൻ ഉൾപ്പെടെ രണ്ടുപേരെ കുത്തി, ഒരാളുടെ നില അതീവ ഗുരുതരം

.news-body p a {width: auto;float: none;}

തൃശൂർ: ഉത്സവത്തിനെത്തിച്ച ആനയുടെ ആക്രമണത്തിൽ രണ്ടുപേർക്ക് പരിക്ക്. തൃശൂർ എളവള്ളി ബ്രഹ്മകുളം ശ്രീ പൈങ്കണിക്കൽ ക്ഷേത്രത്തിൽ ഉത്സവത്തിനെത്തിച്ച ചിറയ്‌ക്കൽ ഗണേശൻ എന്ന ആനയാണ് ഇടഞ്ഞത്.

ഇന്ന് വൈകിട്ട് മൂന്ന് മണിയോടെയാണ് സംഭവമുണ്ടായത്. കുളിപ്പിക്കുന്നതിനിടെ ആന പാപ്പാനെ കുത്തിയ ശേഷം ഒന്നരക്കിലോമീറ്ററോളം ഓടി. അവിടെ നിന്നിരുന്ന മറ്റൊരാളെയും കുത്തി. ഇവിടെ നിന്നും നാലര കിലോമീറ്ററോളം ആന ഓടി. പാപ്പാന്മാർ പുറകേ എത്തിയെങ്കിലും ആനയെ തളയ്‌ക്കാനായില്ല. ഏറെനേരം പണിപെട്ടിട്ടും ഇതുവരെ ആനയെ പിടിക്കാനായില്ല. നിലവിൽ 14 കിലോമീറ്ററിലധികം ദൂരം ആന ഓടിയിട്ടുണ്ട്. ഇത് ആശങ്കയുണ്ടാക്കുകയാണ്.

പരിക്കേറ്റ രണ്ടുപേരെയും ആശുപത്രിയിൽ പ്രവേശിപ്പിച്ചിരിക്കുകയാണ്. ഇതിൽ ഒരാളുടെ നില അതീവ ഗുരുതരമാണ്.