വെയർ ഈസ് മൈ ട്രെയിൻ ആപ്പ് ഫോണിലുണ്ടോ? എങ്കിൽ ഈ മാറ്റത്തെപ്പറ്റി നിങ്ങളറിയണം

.news-body p a {width: auto;float: none;}

കൊച്ചി: ട്രെയിൻ യാത്രക്കാരെ സംബന്ധിച്ച് ഏറെ ഉപകാരമുള്ള ആപ്പാണ് ‘വെയർ ഈസ് മൈ ട്രെയിൻ ആപ്പ്’. ട്രെയിൻ ഏത് പ്ലാറ്റ്‌ഫോമിലാണ് വരുന്നതെന്നും കോച്ച് എവിടെയൊക്കെയാണെന്നുമൊക്കെ ഈ ആപ്പിൽ നിന്ന് മനസിലാക്കാൻ സാധിക്കും. കെ എം ആർ എൽ മെട്രോയിലും ഈ സേവനം ലഭ്യമാക്കിയിരിക്കുകയാണ് ഇപ്പോൾ.

മെട്രോ യാത്രക്കാരുടെ എണ്ണം കുതിച്ചുയർന്നതോടെയാണ് വെയർ ഈസ് മൈ ട്രെയിൻ ആപ്പിലും ഈ സൗകര്യമൊരുക്കിയിരിക്കുന്നത്. ഇതുവഴി മെട്രോ ഓരോ സ്‌റ്റേഷനിലും എപ്പോൾ എത്തുമെന്ന് അറിയാൻ സാധിക്കും. ഈ ആപ്പ് ഫോണിലുള്ളവരാണെങ്കിൽ അത് അപ്‌ഡേറ്റ് ചെയ്യണം. എങ്കിൽ മാത്രമേ ഈ സേവനം ലഭ്യമാകുകയുള്ളൂ.

ആപ്പിന്റെ ഇടതുവശത്ത് മൂന്ന് വര കാണാം. അതിൽ ക്ലിക്ക് ചെയ്താൽ അപ്‌ഡേറ്റ് ചെയ്യാൻ കഴിയും. ശേഷം സിറ്റി കൊച്ചി തിരഞ്ഞെടുക്കുക. ഇതിൽ എക്സ്പ്രസ്, മെട്രോ ഓപ്ഷനുകൾ കാണാം. മെട്രോ തിരഞ്ഞെടുത്ത് ഫൈൻഡ് ട്രെയിൻ ക്ലിക്ക് ചെയ്താൽ മതി. ഇങ്ങനെ ചെയ്താൽ അടുത്ത ട്രെയിൻ എപ്പോഴാണെന്നറിയാം.