തിരുവനന്തപുരം: വെഞ്ഞാറമൂട്ടിൽ യുവതിയെ മരിച്ച നിലയിൽ കണ്ടെത്തി. വെ‌ഞ്ഞാറമൂട് മുക്കന്നൂർ സ്വദേശിനി പ്രവീണയെ (32) ആണ് വീടിനുള്ളിൽ തൂങ്ങിമരിച്ച നിലയിൽ കണ്ടെത്തിയത്. പ്രവീണയെ ചിലർ ശല്യപ്പെടുത്തിയിരുന്നതായി കുടുംബം നേരത്തേ പൊലീസിൽ പരാതിയിൽ നൽകിയിരുന്നു. എന്നാൽ, പൊലീസ് ഇതിൽ വേണ്ട നടപടി സ്വീകരിച്ചില്ലെന്നാണ് പ്രവീണയുടെ സഹോദരൻ പ്രവീൺ പറയുന്നത്.
സഹോദരിക്കെതിരെ വ്യാജ പ്രചരണങ്ങൾ ഉണ്ടായി എന്നും അതിന് പിന്നിൽ ചില നാട്ടുകാരും കുടുംബക്കാരുമാണെന്നും പ്രവീൺ ആരോപിച്ചു. മാനസികമായി തളർന്ന നിലയിലായിരുന്നു സഹോദരിയെന്നും മൊബൈൽ ഫോണിൽ ഒരാൾ മോശം സന്ദേശങ്ങൾ അയച്ചുവെന്നും സഹോദരൻ പറയുന്നു. കഴിഞ്ഞ ദിവസം ബൈക്കിൽ എത്തിയ അജ്ഞാതൻ പ്രവീണയുടെ വാഹനം ഇടിച്ചിട്ടെന്നും സഹോദരൻ ആരോപിച്ചു. അപകടത്തിൽ പ്രവീണയ്‌ക്ക് സാരമായി പരിക്കേറ്റുവെന്നും പ്രവീൺ കൂട്ടിച്ചേർത്തു.
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
