പ്രകോപനം തുടർന്ന് പാക്ക് ഹാക്കർമാർ, സൈബറാക്രമണം തകർത്ത് ഇന്ത്യ
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
ന്യൂഡൽഹി∙ ഇന്ത്യൻ വെബ്സൈറ്റുകൾക്ക് നേരെ പാക്ക് ഹാക്കർമാർ നടത്തിയ സൈബർ ആക്രമണം പരാജയപ്പെടുത്തി. തിരിച്ചറിഞ്ഞ സൈബർ സുരക്ഷാ പ്രതിരോധ സംവിധാനമാണ് ശ്രമം പരാജയപ്പെടുത്തിയത്. പാക്ക് പിന്തുണയുള്ള ‘സൈബർ ഗ്രൂപ്പ് HOAX1337’, നാഷനൽ സൈബർ ക്രൂ എന്ന പേരുകളിൽ പ്രവർത്തിക്കുന്ന ഹാക്കർമാരാണ് സൈബർ ആക്രമണത്തിനു പിന്നിലെന്ന് റിപ്പോർ‍ട്ട് ചെയ്തു. നഗ്രോട്ടയിലെയും സുഞ്ജുവാനിലേയും സൈനിക സ്കൂളുകളുടെ വെ‌ബ്സൈറ്റുകളെ ലക്ഷ്യമിട്ടാണ് തിങ്കളാഴ്ച സൈബർ ആക്രമണം നടന്നത്.
കൊല്ലപ്പെട്ടവരെക്കുറിച്ച് അപകീർത്തീകരമായ സന്ദേശങ്ങൾ പോസ്റ്റ് ചെയ്യാനാണ് ഹാക്കർമാർ ശ്രമിച്ചത്. വിമുക്ത ഭടന്മാർക്ക് ആരോഗ്യ സേവനങ്ങൾ ഉറപ്പുവരുത്തുന്ന വെബ്സൈറ്റിനു നേരെയും സൈബർ ആക്രമണം ഉണ്ടായി. പഹൽഗാം ഭീകരാക്രമണത്തിനു പിന്നാലെയാണ് പാക്ക് ഹാക്കർമാരിൽ നിന്നുള്ള സൈബർ ആക്രമണത്തിലൂടെയുള്ള പ്രകോപനം.
മുൻപ് ശ്രീനഗറിലെ ആർമി പബ്ലിക് സ്കൂൾ (എപിഎസ്), എപിഎസ് റാണിഖേത്, ആർമി വെൽഫെയർ ഹൗസിങ് ഓർഗനൈസേഷൻ (എഡബ്ല്യുഎച്ച്ഒ) ഡേറ്റാബേസ്, ഇന്ത്യൻ എയർഫോഴ്സ് പ്ലേസ്മെന്റ് ഓർഗനൈസേഷൻ പോർട്ടൽ എന്നിവയ്ക്കു നേരെയും സൈബർ ആക്രമണം നടന്നിരുന്നു.
