ഗൂഡല്ലൂർ∙ കരടി ആക്രമിക്കാൻ ഓടിച്ച വീട്ടമ്മയെ ഭയത്തെ തുടർന്ന് ഗൂഡല്ലൂർ ജില്ലാ ആശുപത്രിയിൽ പ്രവേശിപ്പിച്ചു. അമ്പമൂലയിലെ മേലോത്ത് ജോയിയുടെ ഭാര്യ ജാൻസി (52) ആശുപത്രിയിൽ പ്രവേശിപ്പിച്ചത്.
വീടിന് പുറക് വശത്ത് ഇന്നലെ വൈകുന്നേരം 3മണിക്കാണ് കരടിയെ കണ്ടത്. കരടി ഓടിച്ച് മാന്തിയത് ധരിച്ചിരുന്ന വസ്ത്രത്തിലാണ്.
വസ്ത്രം കീറിയ നിലയിലായിരുന്നു. ശരീരത്തിൽ മുറിവേറ്റിട്ടില്ലെന്ന് ഡോക്ടർ പറഞ്ഞു കരടിയെ കണ്ടതായി പറയപ്പെടുന്ന സ്ഥലത്ത് വനം വകുപ്പ് ജീവനക്കാർ പരിശോധന നടത്തി.
അടുത്ത കാലത്തായി കരടി ശല്യവും ഈ പ്രദേശങ്ങളിൽ രൂക്ഷമായി തുടങ്ങിയിട്ടുണ്ട്.
ഊട്ടി, കോത്തഗിരി, കൂനൂർ പ്രദേശങ്ങളിൽ നിന്നും പിടികൂടുന്ന കരടികളെ തുറന്ന് വിടുന്നത് മുതുമല കടുവ സങ്കേതത്തിലാണ്. മുതുമല കടുവ സങ്കേതത്തിൽ നിന്നാണ് കരടികൾ ഇവിടെ എത്തുന്നത്.
നാട്ടിലിറങ്ങുന്ന കരടികളെ വനത്തിൽ തുറന്നു വിടുമ്പോൾ വീണ്ടും നാട്ടിലെത്താൻ സാധ്യത കൂടുതലാണ്. പിടികൂടുന്ന ഇത്തരം വന്യമൃഗങ്ങളെ താമസിപ്പിക്കുന്നതിനായി പുനരധിവാസ പദ്ധതികൾ വനം വകുപ്പ് നടപ്പിലാക്കണമെന്ന് നാട്ടുകാർ ആവശ്യപ്പെട്ടു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
