പെരുമ്പിലാവ് ∙ സംസ്ഥാനപാത നവീകരണത്തിന്റെ ഭാഗമായി ജലവിതരണ പൈപ്പുകൾ സ്ഥാപിക്കാൻ അക്കിക്കാവ് ജംക്‌ഷനിലും റോഡ് പൊളിച്ചതോടെ പെരുമ്പിലാവിലും അക്കിക്കാവിലും കടുത്ത ഗതാഗതക്കുരുക്ക്. അക്കിക്കാവ് സെന്ററിൽ ഒരുഭാഗത്ത് വാൽവുകൾ സ്ഥാപിക്കുന്ന പണികൾ നടന്നിരുന്നു. പഴഞ്ഞി റോഡ് സംസ്ഥാനപാതയിൽ ചേരുന്ന ജംക്‌ഷനിലാണ് ഇപ്പോൾ റോഡ് പൊളിച്ചിരിക്കുന്നത്.
അതോടെ പഴഞ്ഞി റോഡിൽ നിന്നു ഹൈവേയിലേക്കു കയറുന്ന വാഹനങ്ങളും ഗതാഗതക്കുരുക്കിൽപ്പെട്ടു.
ജംക്‌ഷനു സമീപമുള്ള വിദ്യാഭ്യാസ സ്ഥാപനങ്ങളിൽ എത്തുന്ന വിദ്യാർഥികൾക്കും റോഡ് പണി ദുരിതമായി. മാസങ്ങളായി തുടർന്നുകൊണ്ടിരിക്കുന്ന പൈപ്പ് സ്ഥാപിക്കൽ കൂടുതൽ തൊഴിലാളികളെ വച്ചു പെട്ടെന്നു പൂർത്തിയാക്കണം എന്നാവശ്യപ്പെട്ടു വെൽഫെയർ പാർട്ടി പ്രതിഷേധിച്ചു. ഭാരവാഹികളായ പി.എ.ബദറുദ്ദീൻ, എം.എ.കമറുദ്ദീൻ, ഷഹീദ് പാലിയത്ത് എന്നിവർ പ്രസംഗിച്ചു.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
