ഇരിങ്ങാലക്കുട∙ കൂടൽമാണിക്യം ക്ഷേത്രത്തിൽ ആനയൂട്ടിന് എത്തിയ ആന ഇടഞ്ഞു. കൊട്ടിലാക്കൽ പറമ്പിൽ നടന്ന ആനയൂട്ട് കഴിഞ്ഞ് ഗണപതി ക്ഷേത്രത്തിൽ തൊഴാൻ തിരിഞ്ഞ കൊളക്കാടൻ കുട്ടിക്കൃഷ്ണൻ എന്ന ആനയാണ് ഇടഞ്ഞത്.
രാവിലെ പത്തോടെയാണ് സംഭവം. തൊട്ടടുത്ത് നിന്നിരുന്ന അമ്പാടി മഹാദേവൻ എന്ന ആനയെ കുത്താൻ ശ്രമിച്ചു. തുടർന്ന് രണ്ട് ആനകളും കൊമ്പ് കോർത്തു.
ഇതിനിടയിൽ പരിഭ്രാന്തരായി ഓടിയ ചിലർക്ക് വീണു പരുക്കേറ്റു.
ഇടഞ്ഞ ആനയെ പിന്നീട് പാപ്പാൻമാർ ചേർന്ന് തളച്ചു. കുട്ടിക്കൃഷ്ണന്റെ മുകളിൽ നിന്ന് വീണ് പാപ്പാൻ ഷൈജുവിന്റെ തോളിനു പരുക്കേറ്റു.
അമ്പാടി മഹാദേവന്റെ ഇടത്തെ കൊമ്പിനു താഴെ പരുക്കേറ്റിട്ടുണ്ട്. കുളക്കാടൻ കുട്ടിക്കൃഷ്ണന് 15 ദിവസത്തെ നിരോധനം ഏർപ്പെടുത്തിയതായി സോഷ്യൽ ഫോറസ്ട്രി വകുപ്പ് ഉദ്യോഗസ്ഥർ അറിയിച്ചു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
About the Author
