കല്ലമ്പലം∙നാവായിക്കുളം പഞ്ചായത്തിലെ കപ്പാംവിള മുട്ടിയറ സാമിയാർകുന്ന് റോഡിലെ കാലപ്പഴക്കം ചെന്ന പാലം പൊളിച്ചുമാറ്റി പുതിയത് നിർമിക്കണം എന്ന ആവശ്യം ശക്തം. മുട്ടിയറ അപ്പൂപ്പൻ നട ദുർഗ ദേവീ ക്ഷേത്രത്തിനു സമീപത്തെ തോടിനു കുറുകെയുള്ള പാലം വർഷങ്ങൾ പഴക്കമുള്ളതും അപകട
സ്ഥിതിയിലും ആണ്. കുപ്പിക്കഴുത്തു പോലെയുള്ള പാലത്തിന് ഇരു വശവും വീതിയുള്ള റോഡുകളുണ്ട്.
നടുക്കാണു പാലം. ഇതിലൂടെ വാഹനങ്ങൾക്ക് കടന്നു പോകാൻ പ്രയാസമാണ്. വീതിയുള്ള പുതിയ പാലം വേണം എന്ന ആവശ്യത്തിന് വർഷങ്ങളുടെ പഴക്കമുണ്ടെങ്കിലും നടപടി ഇല്ല.
പഞ്ചായത്തിലെ പത്ത്,പതിനൊന്ന് വാർഡുകളെ ബന്ധിപ്പിക്കുന്ന പാലം വീതി കൂട്ടുന്നതോടെ ഇരു വാർഡുകളിലും വികസനം സാധ്യതയും നാട്ടുകാർ പങ്കുവയ്ക്കുന്നു.
ഭാവിയിൽ ബസ് സർവീസ് വേണമെങ്കിലും പാലം വരണം. റോഡ് വികസനവുമായി ബന്ധപ്പെട്ട് പാലം നിർമിക്കുന്നതിന് ഫണ്ട് അനുവദിച്ചിട്ടുണ്ട്. റോഡ് പണി പൂർത്തിയായി. പാലം നിർമാണം എങ്ങുമെത്തിയില്ല.
റോഡിനു വീതി കൂട്ടി അതിന് ആനുപാതികമായി വീതിയുള്ള പാലം നിർമിക്കാൻ ആണ് തുക അനുവദിച്ചത്. നിത്യേന നൂറുകണക്കിന് വാഹനങ്ങളാണ് ഇതുവഴി കടന്നുപോകുന്നത്.
ക്ഷേത്രത്തിൽ വന്നുപോകുന്ന ഭക്തരുടെ എണ്ണവും വർധിച്ചിട്ടുണ്ട്. പാലം നിർമാണം മുടങ്ങുന്നത് ക്ഷേത്രത്തിന്റെ വികസനത്തെയും ബാധിക്കുമെന്ന് ഭാരവാഹികൾ പറയുന്നു.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
