വില്ലനായി അടഞ്ഞ ഓട; മഴയിൽ ബാങ്കിൽ വെള്ളം കയറി

പത്തനംതിട്ട∙ കനത്ത മഴയിൽ കനറാ ബാങ്ക് ടൗൺ ശാഖയിൽ വെള്ളം കയറി. ഇന്നലെ വൈകിട്ട് പെയ്ത മഴയെ തുടർന്ന്, അബാൻ ജംക്‌ഷന് സമീപമുള്ള ബാങ്കിന് മുന്നിൽ വലിയ വെള്ളക്കെട്ട് രൂപപ്പെട്ടു. ബാങ്കിനുള്ളിൽ അതിവേഗം വെള്ളം കുത്തിയൊലിച്ചെത്തി. ബാങ്ക് നടപടികളും തടസ്സപ്പെട്ടു. സമീപത്തെ എടിഎം ശാഖയും അടച്ചിട്ടു. അഗ്നിരക്ഷാസേനയും പൊലീസും സ്ഥലത്തെത്തി. ബാങ്ക് പ്രവർത്തിക്കുന്ന കെട്ടിടത്തിന് മുന്നിലെ ഓട അടഞ്ഞ നിലയിലാണ്. അടുത്തിടെയും മഴയിൽ ബാങ്കിനുള്ളിൽ വെള്ളം കയറിയിരുന്നു.