ചിറപ്പുത്സവത്തിന്റെ ധന്യതയിൽ അടൂർ പാർഥസാരഥി ക്ഷേത്രം

അടൂർ ∙ മണ്ഡലകാലം തുടങ്ങിയതോടെ ചിറപ്പുത്സവത്തിന്റെ ധന്യതയിലാണ് അടൂർ പാർഥസാരഥി ക്ഷേത്രം. ശബരിമല തീർഥാടനം കൂടി എത്തിയതോടെ ശരണമന്ത്രങ്ങളും ഓം നമോ നാരായണ മന്ത്രങ്ങളും കൊണ്ടും നിറഞ്ഞു നിൽക്കുകയാണു ക്ഷേത്രം.

വൃശ്ചികം ഒന്നിനു തുടങ്ങി മകരവിളക്കു വരെ 61 ദിവസത്തെ ചിറപ്പുത്സവമാണ് ഇവിടെ നടക്കുന്നത്. പുലർച്ചെ അഷ്ടദ്രവ്യ മഹാഗണപതിഹോമത്തോടെയാണു എല്ലാ ദിവസവും ചിറപ്പുത്സവത്തിന്റെ ചടങ്ങുകൾ ആരംഭിക്കുന്നത്.

അഖണ്ഡനാമജപം, ഭാഗവതപാരായണം, ഉച്ചപ്പൂജ, ശ്രീബലി എന്നിവയും വൈകിട്ട് ചുറ്റുവിളക്കുകളും നിലവിളക്കുകളും വൈദ്യുതദീപാലങ്കാരങ്ങളും തെളിച്ചുള്ള ദീപക്കാഴ്ചയും ചിറപ്പുത്സവ ദിനങ്ങളിലെ പ്രത്യേകതയാണ്‌. ക്ഷേത്രവുമായി ബന്ധപ്പെട്ട

കരകളിലെ വീട്ടുകാരും വിവിധ സർക്കാർ വകുപ്പുകളും ചേർന്നാണ് ചിറപ്പ് നടത്തുന്നത്. ശബരിമലയിൽ പോകുന്ന ധാരാളം ഭക്തർ ഇവിടെ എത്തി തൊഴുതിട്ടാണ് പോകുന്നത്.

മാലയിടാനും കെട്ടുനിറയ്ക്കാനും ഒട്ടേറെ ഭക്തർ ഇവിടെ എത്തുന്നു. തിരുവിതാംകൂർ ദേവസ്വം ബോർഡിന്റെ കൊട്ടാരക്കര ഗ്രൂപ്പിൽപെട്ട

ക്ഷേത്രമാണിത്. 13 അംഗ ക്ഷേത്രോപദേശക സമിതിയാണ് ഉത്സവവും മറ്റു പ്രവർത്തനങ്ങളും നടത്തുന്നത്.

കുളക്കട നമ്പി മഠത്തിൽ രമേശ് ഭാനു ഭാനു പണ്ടാരത്തിലാണ് ക്ഷേത്ര തന്ത്രി.

പട്ടാഴി ഹരിശ്രീ മഠത്തിൽ അനീഷ് വാസുദേവര്, കലയപുരം ഹരികൃഷ്ണൻ നമ്പൂതിരി എന്നിവരാണ് മേൽശാന്തിമാർ. ശരണ്യ വി.ശങ്കറാണ് ക്ഷേത്രം സബ് ഗ്രൂപ്പ്‌ ഓഫിസർ.
ഉത്സവം: മകര മാസത്തിലെ തിരുവോണ നാളിലാണ് ഇവിടെ ഉത്സവം കൊടിയേറുന്നത്.

രോഹിണി നാളിൽ ആറാട്ടോടു കൂടി സമാപിക്കും. 10 ദിവസത്തെ ഉത്സവം 2026 ജനുവരി 19ന് ഉത്സവം തുടങ്ങും.

ജനുവരി 28 നാണ് ആറാട്ട്. ഏപ്രിൽ 14 മുതൽ ദശാവതാരച്ചാർത്തും നടക്കും.
വഴിപാടുകൾ: വിഷ്ണുപൂജ, വിഷ്ണുസഹസ്ര നാമാർച്ചന, ഭാഗ്യസൂക്താർച്ചന, സന്താനഗോപാലാർച്ചന, ഐക്യമത്യസൂക്താർച്ചന, തൃക്കൈവെണ്ണ, അവൽക്കിഴി സമർപ്പണം, പാൽപായസം, അരവണ, ഉണ്ണിയപ്പം എന്നിവയാണ് പ്രധാന വഴിപാടുകൾ.

ഏകാദശി വ്രതം ഇവിടെ ആചരിച്ചു വരുന്നുണ്ട്. ഏകാദശി, അമാവാസി ദിവസങ്ങളിലും വ്യാഴാഴ്ച ദിവസങ്ങളിലും വെള്ള നിവേദ്യവും പിതൃപൂജയും ഇവിടെ ധാരാളമായി നടന്നു വരുന്നു.
ഉപദേശക സമിതി: സി.പ്രദീപ്കുമാർ(പ്രസി), എസ്.രജനീഷ്(വൈ.പ്രസി), സുബി അജിത്ത് (സെക്ര) എന്നിവരുടെ നേതൃത്വത്തിൽ 13 അംഗ ഉപദേശക സമിതിയാണ് ക്ഷേത്രത്തിന്റെ പ്രവർത്തനങ്ങൾ നടത്തുന്നത്.

… FacebookTwitterWhatsAppTelegram