കന്നിമാസ പൂജ: ശബരിമല നട നാളെ തുറക്കും

ശബരിമല ∙ കന്നിമാസ പൂജകൾക്കായി നാളെ ശബരിമല നട തുറക്കും.

വൈകിട്ട് 5ന് തന്ത്രി കണ്ഠര് മഹേഷ് മോഹനരുടെ സാന്നിധ്യത്തിൽ മേൽശാന്തി അരുൺകുമാർ നമ്പൂതിരിയാണ് നടതുറക്കുന്നത്. 17 മുതൽ ദിവസവും ഉദയാസ്തമനപൂജ, പടിപൂജ, കളഭാഭിഷേകം, പുഷ്പാഭിഷേകം എന്നിവ ഉണ്ടാകും.

20ന് സഹസ്രകലശപൂജ, 21ന് സഹസ്രകലശാഭിഷേകം. 21ന് രാത്രി 10ന് നടയടയ്ക്കും.
പമ്പയിൽ 20ന് ആഗോള അയ്യപ്പ സംഗമം നടക്കുന്നതിനാൽ പ്രത്യേക സുരക്ഷാക്രമീകരണങ്ങൾ ഒരുക്കുന്നുണ്ട്.

ചാലക്കയം– പമ്പ റോഡിന്റെ വശത്ത് പാർക്കിങ് നിരോധിച്ചിട്ടുണ്ട്. ഭക്ഷണശാലയുടെ ഷെഡ് ഹിൽടോപ് പാർക്കിങ് ഗ്രൗണ്ടിന്റെ ഒരുഭാഗത്ത് നിർമിക്കുന്നതിനാൽ അവിടെയും പാർക്കിങ് സൗകര്യം കുറവാണ്.

പമ്പ– നിലയ്ക്കൽ റൂട്ടിൽ കെഎസ്ആർടിസി ചെയിൻ സർവീസ് നടത്തും. ഇതിനായി 40 ബസുകൾ എത്തുന്നുണ്ട്.

ചെങ്ങന്നൂർ, പത്തനംതിട്ട, കുമളി എന്നിവിടങ്ങളിൽനിന്ന് സ്പെഷൽ സർവീസുകളും ഉണ്ട്. …