പാറമട ഇടിഞ്ഞുവീണ് അതിഥിത്തൊഴിലാളി മരിച്ചു ; ഒരാളെ കാണാതായി

കോന്നി ∙ പയ്യനാമൺ അടുകാട് ചെങ്കുളം പാറമടയിൽ പാറ ഇടിഞ്ഞു വീണ് അതിഥിത്തൊഴിലാളി മരിച്ചു. മറ്റൊരാളെ കാണാതായി.

ഒഡീഷ കാൺധമാൽ ജില്ലയിലെ പേട്ടപാങ്ക ലുഹുറിംഗിയ മഹാദേബ് പ്രധാൻ (51) ആണ് മരിച്ചത്. പാറപൊട്ടിക്കുന്ന യന്ത്രത്തിന്റെ ഡ്രൈവർ ബിഹാർ സിമർല ജമുയ് ഗ്രാം സിമർലിയ അജയ് കുമാർ റായിയെ (38) ആണ് കാണാതായത്.

ഇന്നലെ വൈകിട്ട് 3.30 നാണ് സംഭവം.ആഴമേറിയ വലിയ പാറമടയുടെ മുകൾ ഭാഗത്തുനിന്ന് മണ്ണും പാറയുമടക്കം ഇടിഞ്ഞ് പാറപൊട്ടിക്കുന്ന യന്ത്രത്തിലേക്കു പതിക്കുകയായിരുന്നു. യന്ത്രത്തിനുള്ളിലുണ്ടായിരുന്ന തൊഴിലാളിയും സഹായിയുമാണ്   പാറയുടെ അടിയിൽപെട്ടത്.

മണിക്കൂറുകൾക്ക് ശേഷം വൈകിട്ട് 6.15നാണ് മറ്റൊരു യന്ത്രം എത്തിച്ച് പാറ പൊട്ടിച്ച ശേഷം  വഴിയൊരുക്കി അഗ്നിരക്ഷാസേന മൃതദേഹം കിടന്ന ഭാഗത്ത്് എത്തിയത്. യന്ത്രമുപയോഗിച്ച് പാറ മാറ്റിയാണു മൃതദേഹം പുറത്തെടുത്തത്.

…