നാടിന്റെ മനം കവർന്ന് കുട്ടീസിന്റെ തട്ടുകട; മധുരമൂറും വിഭവങ്ങളാൽ നിറഞ്ഞ രണ്ടാം ക്ലാസുകാരുടെ സംരംഭം

തിരുവല്ല ∙ മധുരമൂറും വിഭവങ്ങളാൽ നിറഞ്ഞ രണ്ടാം ക്ലാസുകാരുടെ സംരംഭം: കുട്ടീസിന്റെ തട്ടുകട. തിരുമൂലവിലാസം യുപി സ്കൂളിലെ രണ്ടാം ക്ലാസ് വിദ്യാർഥികൾ ഒരുക്കിയ കുട്ടീസിന്റെ തട്ടുകട

അധ്യാപകരുടെയും രക്ഷിതാക്കളുടെയും നാട്ടുകാരുടെയും മനസ്സു കീഴടക്കി. പഠനത്തോടൊപ്പം സംരംഭകത്വത്തിന്റെയും സഹകരണത്തിന്റെയും മൂല്യം കുട്ടികൾക്ക് പരിചയപ്പെടുത്തുന്നതിനായി അധ്യാപകരുടെ നേതൃത്വത്തിൽ സ്കൂൾ പ്രോത്സാഹന ക്ലബ്ബാണ് പരിപാടി നടത്തിയത്.
തട്ടുകടയിൽ‌ പാചകത്തിനും വിൽപനയ്ക്കും നേതൃത്വം നൽകിയത് കുട്ടികളാണ്.

നാടൻ വിഭവങ്ങൾ മുതൽ മധുരപലഹാരങ്ങൾ വരെയുള്ള രുചികരമായ തട്ടുകൾ കുട്ടീസിന്റെ തട്ട് കടയിൽ വിരുന്നാക്കാനെത്തിയ എല്ലാവർക്കും ഏറെ ആകർഷകമായിരുന്നു. ചക്കഅട, ഉണ്ണിയപ്പം, അവൽ നെയ്യ്, പഴംപൊരി, പായസം, ഇഡ്ഡലി-ചമ്മന്തി തുടങ്ങിയ വിഭവങ്ങൾ കുട്ടികൾ ഒരുക്കിയിരുന്നു.

വീട്ടിൽ നിന്നുള്ള സാധനങ്ങൾ കൊണ്ടുവന്നു കൂട്ടായ്മയായി പാചകം ചെയ്തതിലൂടെ കുട്ടികൾക്ക് സ്വയംപഠനത്തിന്റെ പുതിയ അനുഭവം ലഭിച്ചു.
പാഠപുസ്തകങ്ങളിൽ കാണുന്ന വിഷയങ്ങൾ ജീവിതവുമായി ബന്ധിപ്പിക്കാനാണ് ഇത്തരം പ്രവർത്തനങ്ങൾ ഒരുക്കുന്നത്. കുട്ടികൾ ഒരുമിച്ച് പ്രവർത്തിച്ച് വിഭവങ്ങൾ തയ്യാറാക്കുമ്പോൾ കൂട്ടായ്മ, കണക്കുകൂട്ടൽ, പണത്തിന്റെ മൂല്യം എന്നിവ അവർ സ്വാഭാവികമായി പഠിക്കുന്നുവെന്ന് പ്രഥമാധ്യാപിക സിസ്റ്റർ അലീന പറഞ്ഞു.

പാചകത്തിനുള്ള സുരക്ഷയും ശുചിത്വവും ഉറപ്പാക്കാൻ പ്രത്യേക ക്രമീകരണങ്ങളും നടത്തിയിരുന്നു. …