ഓണമായാലും അല്ലെങ്കിലും വഴിയിൽ കുഴിതന്നെ !

പത്തനംതിട്ട∙ പാതയിൽ അപകടഭീഷണിയായി വൻകുഴി. പത്തനംതിട്ട

നഗരത്തിൽ എൻസിസി ഓഫിസിനു മുന്നിലൂടെയുള്ള വഴിയിലാണ് ഈ സ്ഥിതി. റോഡിന്റെ ഒരു വശം തകർന്നു വലിയ കുഴി രൂപപ്പെട്ട

നിലയാണ്. വഴിയിലെ ഈ കെണി വാഹന യാത്രക്കാരെ അപകടത്തിലാക്കും.

കോൺക്രീറ്റിൽ നിർമിച്ചിട്ടുള്ള ഈ പാതയിലൂടെ ഒട്ടേറെ വാഹനങ്ങളാണു ദിവസേന കടന്നുപോകുന്നത്. അടുത്തെത്തുമ്പോഴാണു ചതിക്കുഴി തിരിച്ചറിയുന്നത്.ഇരുവശത്തു നിന്നും വാഹനങ്ങൾ കടന്നുപോകുന്ന പാതയാണിത്.

മധ്യഭാഗത്തു നിന്ന് ഇടിഞ്ഞു താഴേക്കു കൂപ്പ് കുത്തിയ നിലയിലാണ് ഇവിടെ കോൺക്രീറ്റ്. 
ഈ കുഴിയിൽ കാൽ അകപ്പെട്ടാലും വലിയ പരുക്കേൽക്കും. കാൽനടയാത്രക്കാരും ഭീതിയോടെയാണ് ഇവിടെ സഞ്ചരിക്കുന്നത്.

നഗരത്തിലെ പ്രധാന റോഡിനു തൊട്ടരികിലാണ് ഈ കുഴിവഴി. ഗതാഗത കുരുക്കിൽ നിന്നു രക്ഷ നേടാൻ സമാന്തര പാതയായി ഈ വഴി ഉപയോഗിക്കുന്നവരും ഒട്ടേറെയാണ്. ടികെ റോ‍ഡിനെ ഡോക്ടേഴ്സ് ലെയ്നിനെ ബന്ധിപ്പിക്കുന്ന പാത കൂടിയാണിത്.

തകരാർ പരിഹരിച്ച് അപകടഭീഷണി ഒഴിവാക്കണമെന്നാണു പ്രദേശവാസികളുടെ ആവശ്യം. …