ചന്ദനത്തടികൾ കടത്തിയ 4 പേർ അറസ്റ്റിൽ
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
ചുങ്കപ്പാറ ∙ കാറിൽ കടത്തിയ 75 കിലോ ചന്ദനത്തടികൾ വനം വകുപ്പ് കരികുളം സ്റ്റേഷൻ ഉദ്യോഗസ്ഥരും റാന്നി ഫ്ലയിങ് സ്ക്വാഡും ചേർന്ന് പിടികൂടി, 4 പേർ അറസ്റ്റിൽ. റേഞ്ച് ഫോറസ്റ്റ് ഓഫിസർ ബി.ആർ.ജയന് ലഭിച്ച രഹസ്യ വിവരത്തെ തുടർന്ന് ചുങ്കപ്പാറ – കോട്ടങ്ങൽ ഷാപ്പുപ്പടിക്ക് സമീപത്തുവച്ച് വാഹനത്തിൽ കൊണ്ടുവന്ന ചന്ദനത്തടികൾ ഇന്നലെ അഞ്ചുമണിയോടെയാണ് ഉദ്യോഗസ്ഥർ പിടികൂടിയത്. 10 ലക്ഷം രൂപ വിലമതിക്കുന്ന ചന്ദന തടികൾ വിൽപന നടത്താൻ ശ്രമിക്കുന്നതിന് ഇടയിൽ 4 പേർ അടങ്ങുന്ന സംഘത്തെ ഉദ്യോഗസ്ഥർ സാഹസികമായി പിടികൂടുകയായിരുന്നു.
ഇടുക്കി, ഉപ്പുതറ സ്വദേശി സുഭാഷ് കുമാർ (29), അയിരൂർ കാഞ്ഞേറ്റുകര അനിൽകുമാർ (49), റാന്നി, പഴവങ്ങാടി, വി.ജെ. ജോസ്(42), പത്തനംതിട്ട, തടിയൂർ സ്വദേശി ടി.എസ്.അനൂപ് എന്നിവരാണ് പിടിയിലായത്. കരികുളം ഫോറസ്റ്റ് സ്റ്റേഷൻ ഡപ്യൂട്ടി റേഞ്ച് ഫോറസ്റ്റ് ഓഫിസർ റോബിൻ മാർട്ടിൻ, എസ്എഫ്ഒമാരായ വിജയകുമാർ, എം.ഷിനിൽ, ബിഎഫ്ഒമാരായ അനൂപ്. കെ. അപ്പുക്കുട്ടൻ, ടി.ജി.ബിജു. എഫ്. പ്രകാശ്, വി.പി.ഹണീഷ്, സന്തോഷ്, റിജോ ജോൺ, മീര പണിക്കർ എന്നിവരാണ് പ്രതികളെ പിടികൂടിയത്.
