കഞ്ചിക്കോട് ∙ എടിഎമ്മിൽ കൃത്രിമം നടത്തി പണം തട്ടിയെന്നു പരാതി. പുതുശ്ശേരി ജംക്‌ഷനിലെ എടിഎം ഉപയോഗിച്ച കഞ്ചിക്കോട് ബെമ്‌ൽ ജീവനക്കാരൻ എസ്.
ഗിരീഷിനാണു പണം നഷ്ടമായത്. കഴിഞ്ഞ 17നാണ് സംഭവം.
ഗിരീഷ് തുക പിൻവലിക്കാൻ ശ്രമിച്ചെങ്കിലും ലഭിക്കാതെ മടങ്ങി. പിന്നീട് അക്കൗണ്ടിൽ നിന്നു തുക നഷ്ടപ്പെട്ടതായി മെസേജ് കണ്ട് തിരികെയെത്തി നടത്തിയ പരിശോധനയിൽ, എടിഎമ്മിൽ പണം പുറത്തേക്കു വരുന്ന സ്ഥലത്തു സ്റ്റിക്കർ ഒട്ടിച്ച നിലയിൽ കണ്ടെത്തിയതായി പറയുന്നു.
ഉടൻ ബാങ്കുമായി ബന്ധപ്പെടുകയും കസബ പൊലീസിൽ പരാതി നൽകുകയും ചെയ്തു.
പൊലീസ് നടത്തിയ അന്വേഷണത്തിൽ മാസ്‌ക്കും തൊപ്പിയും ധരിച്ച യുവാവ് ഒട്ടേറെ തവണ എടിഎമ്മിലേക്കു കയറുന്നതായി കണ്ടെത്തിയിട്ടുണ്ട്. അതേസമയം, ബാങ്ക് അധികൃതർ സിസിടിവി ദൃശ്യങ്ങൾ നൽകാത്തത് അന്വേഷണത്തെ ബാധിക്കുന്നതായി പൊലീസ് പറഞ്ഞു.സമാന രീതിയിൽ പലർക്കും പണം നഷ്ടമായിട്ടുണ്ടെന്നാണു നിഗമനം.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
