ചിറ്റൂർ ∙ താലൂക്ക് ആശുപത്രിയിൽ പുതിയ കെട്ടിടത്തിൽ അത്യാഹിത വിഭാഗം പ്രവർത്തനം ആരംഭിച്ചു. ഇന്നലെ ഉച്ചയോടെയാണു പുതിയ കെട്ടിടത്തിൽ പൂർണമായും അത്യാഹിത വിഭാഗം പ്രവർത്തനം ആരംഭിച്ചത്.
കഴിഞ്ഞയാഴ്ച പുതിയ കെട്ടിടത്തിൽ ഒപിയും കിടത്തിച്ചികിത്സയും ആരംഭിച്ചിരുന്നു. കഴിഞ്ഞദിവസം ജനറേറ്റർ കൂടി ലഭ്യമായതോടെയാണ് പുതിയ കെട്ടിടത്തിലേക്ക് അത്യാഹിത വിഭാഗം മാറ്റുന്നത്. നിലവിൽ രണ്ടു നിലകളിൽ മാത്രമാണ് ആശുപത്രി പ്രവർത്തിക്കുന്നത്പുതിയ കെട്ടിടത്തിലെ താഴത്തെ ഫ്ലോറിലാണ് അത്യാഹിത വിഭാഗം പ്രവർത്തിക്കുക.
ഒന്നാം നിലയിൽ ഒപിയും രണ്ടാം നിലയിൽ കിടത്തിച്ചികിത്സയുമാണ് സജ്ജീകരിച്ചിരിക്കുന്നതു. മറ്റു നിലകളിൽ സജ്ജീകരിച്ചിരിക്കുന്ന വിവിധ വാർഡുകളും ഓപ്പറേഷൻ തിയറ്ററും ഡയാലിസിസ് യൂണിറ്റും പൂർണമായും പ്രവർത്തനസജ്ജമാകണമെങ്കിൽ ഡോക്ടർമാർ ഉൾപ്പെടെ പുതിയ ജീവനക്കാരെയും നിയമിക്കേണ്ടതുണ്ടെന്നാണ് ആശുപത്രി അധികൃതർ നൽകുന്ന വിവരം.
നിലവിൽ ഓപ്പറേഷൻ തിയറ്ററും ഡയാലിസിസ് യൂണിറ്റും പഴയ കെട്ടിടത്തിൽ തന്നെയാണു പ്രവർത്തിക്കുന്നത്.
ഓപ്പറേഷൻ തിയറ്റർ പ്രവർത്തിക്കണമെങ്കിൽ അണുവിമുക്തമാക്കേണ്ടതുണ്ട്.
അതിനു ശേഷമേ പ്രവർത്തിപ്പിക്കാനാവൂ. പുതിയ കെട്ടിടത്തിൽ ആവശ്യമായ ഫർണിച്ചറുകൾ എത്താത്തതിനു പുറമേ കെട്ടിടം ശുചീകരിച്ചു തന്നിട്ടില്ലെന്നും കഴിഞ്ഞദിവസം മന്ത്രി കെ.കൃഷ്ണൻകുട്ടിയുടെ നേതൃത്വത്തിൽ ചേർന്ന യോഗത്തിൽ അറിയിച്ചിരുന്നു.
25നകം ആശുപത്രി പൂർണമായും കൈമാറുന്നതിന് ആവശ്യമായ നടപടികൾ സ്വീകരിക്കാമെന്നാണ് കെട്ടിടത്തിന്റെ നിർമാണ ചുമതല വഹിക്കുന്ന കമ്പനി പ്രതിനിധികൾ അറിയിച്ചതെന്നും സൂപ്രണ്ട് പറഞ്ഞു. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
