കോഴിക്കോട് ∙ ഡോ. കെ.
സുകുമാരപിള്ള രചിച്ച് കേരള ഭാഷാ ഇൻസ്റ്റിറ്റ്യൂട്ട് പ്രസിദ്ധീകരിച്ച ‘കൈരളീ ശബ്ദാനുശാസനം’ എന്ന പുസ്തകത്തിന്റെ പ്രകാശനവും സെമിനാർ ഉദ്ഘാടനവും കോഴിക്കോട് ഗവ. ആർട്സ് ആൻഡ് സയൻസ് കോളജിൽ തുഞ്ചത്തെഴുത്തച്ഛൻ മലയാളം സർവകലാശാല മുൻ വൈസ് ചാൻസലർ പ്രഫ.
അനിൽ വള്ളത്തോൾ നിർവഹിച്ചു. പ്രമുഖ നോവലിസ്റ്റും കെ.
സുകുമാരപിള്ളയുടെ ശിഷ്യനുമായ കെ.ജി. രഘുനാഥ് പുസ്തകം ഏറ്റുവാങ്ങി.
ഡയറക്ടർ ഡോ. എം.
സത്യൻ അധ്യക്ഷനായി. കേരള ഭാഷാ ഇൻസ്റ്റിറ്റ്യൂട്ട് റിസർച്ച് ഓഫിസർ കെ.
ആർ. സരിതകുമാരി പുസ്തകം പരിചയപ്പെടുത്തി.
ഡോ. കെ.
സുകുമാരപിള്ളയുടെ മകനും വടക്കു കിഴക്കൻ മേഖലാ വികസനമന്ത്രാലയം മുൻ ഉപദേഷ്ടാവുമായ എസ്. സുരേഷ്കുമാർ, ഒറ്റപ്പാലം എൻഎസ്എസ് കോളജ് മുൻ പ്രഫസർ എ.
എൻ. കൃഷ്ണൻ എന്നിവർ സംസാരിച്ചു.
ഗവ. ആർട്സ് കോളെജ് മലയാളഗവേഷണ വിഭാഗം മേധാവി ഡോ.
കെ. പി.
രവി സ്വാഗതവും കേരള ഭാഷാ ഇൻസ്റ്റിറ്റ്യൂട്ട് റിസർച്ച് ഓഫിസർ ടി.കെ. അമ്പിളി നന്ദിയും പറഞ്ഞു.
525 രൂപയുള്ള പുസ്തകം ഇൻസ്റ്റിറ്റ്യൂട്ട് വില്പനശാലകളിൽ ലഭിക്കും. തുടർന്ന് നടന്ന സെമിനാറിൽ നിബന്ധനകളിൽ നിന്ന് ബന്ധങ്ങളിലേക്ക്; മലയാളവ്യാകരണം പുതുബോധങ്ങളുടെ വെളിച്ചത്തിൽ എന്ന വിഷയത്തിൽ ചിറ്റൂർ ഗവ.
കോളജ് മലയാളവിഭാഗത്തിലെ ഡോ. ടി.
ശ്രീവത്സൻ പ്രബന്ധം അവതരിപ്പിച്ചു. ഡോ.
പി. അബ്ദുൽ ഗഫൂർ മോഡറേറ്ററായി.
വ്യാകരണപഠനം എന്ന സംവാദ വിഷയം എന്ന സെഷനിൽ ബാലുശ്ശേരി സർക്കാർ കോളജ് മുൻ പ്രിൻസിപ്പൽ ഡോ. സി.
ജെ. ജോർജ് പ്രബന്ധം അവതരിപ്പിച്ചു.
ഡോ. സിജു കെ.
ഡി. മോഡറേറ്ററായി.
ഡോ. കെ.
സുകുമാരപിള്ളയുടെ വ്യാകരണസമീപനം എന്ന സെഷനിൽ തലശ്ശേരി ഗവ. ബ്രണ്ണൻ കോളജ് മലയാള വിഭാഗത്തിലെ പ്രഫ.
രാജേന്ദ്രൻ എടത്തുംകര വിഷയാവതരണം നടത്തി സംസാരിച്ചു. ഡോ.
എസ് സുസ്മിത മോഡറേറ്ററായി. സെമിനാറിൽ കേരള ഭാഷാ ഇൻസ്റ്റിറ്റ്യൂട്ട് പിആർഒ റാഫി പൂക്കോം, എഴുത്തുകാരി ഇ.പി.സോണിയ എന്നിവര്‍ സംസാരിച്ചു.
സെമിനാറിനോടനുബന്ധിച്ച് പുസ്തകമേളയുമുണ്ടായിരുന്നു. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
