ഇ.എൻ.അബ്ദുല്ല മൗലവി അന്തരിച്ചു

കോഴിക്കോട് ∙ ഇസ്‌ലാമിക പണ്ഡിതനും ജമാഅത്തെ ഇസ്‌ലാമി മുൻ സംസ്ഥാന ശൂറ അംഗവുമായിരുന്ന ഇ.എൻ.അബ്ദുല്ല മൗലവി (78) അന്തരിച്ചു. ചേന്ദമംഗല്ലൂർ ഒതയമംഗലം ജുമാ മസ്ജിദ്, കണ്ണൂർ മസ്ജിദുന്നൂർ എന്നിവിടങ്ങളിൽ ദീർഘകാലം ഖത്തീബ് ആയി സേവനമനുഷ്ഠിച്ചു. ചേന്ദമംഗല്ലൂർ ഇസ്‌ലാഹിയ കോളജ്, ശാന്തപുരം അൽജാമിഅ എന്നിവിടങ്ങളിൽ അധ്യാപകനായിരുന്നു. ഇസ്‌ലാഹിയ അസോസിയേഷൻ മാനേജ്മെന്റ് കമ്മിറ്റി അംഗം, ജമാഅത്തെ ഇസ്‌ലാമി മേഖല നാസിം, പ്രാദേശിക അമീർ, കെഐജി അഖില സൗദി പ്രസിഡന്റ് തുടങ്ങിയ സ്ഥാനങ്ങൾ വഹിച്ചിട്ടുണ്ട്.

മൃതദേഹം വൈകിട്ട് 3ന് ചേന്ദമംഗലൂർ ഇസ്‌ലാഹിയ കോളജ് ക്യാംപസിൽ പൊതുദർശനത്തിന് വയ്ക്കും. ഖബറടക്കം ഞായറാഴ്ച  രാവിലെ 8.30ന് ചേന്ദമംഗലൂർ ഒതയമംഗലം ജുമുഅത്ത് പള്ളി ഖബർസ്ഥാനിൽ. ഭാര്യ: സൈനബ. മക്കൾ: നസീറ, അമീൻ ജൗഹർ, യാസർ, നദീറ, നുജൂബ, നസീല, നബീൽ. മരുമക്കൾ: വി.പി.ശൗകത്തലി, സാജിദ വാളില്ലാപ്പുഴ ഹാഷിം എളമരം, യസീറ ഓമശ്ശേരി, ഷമീം അരീക്കോട്, മൈമൂന ഗോതമ്പറോഡ്. സഹോദരങ്ങൾ: പരേതരായ ഇ.എൻ.മുഹമ്മദ് മൗലവി, മഹ്മൂദ് മൗലവി, ഇ.എൻ.ഇബ്രാഹിം മൗലവി, ഇ.എൻ.അബ്ദുൽ ഹമീദ്, ഇ.എൻ.അബ്ദുൽ ജലീൽ, ഇ.എൻ.ആയിഷ.