കോഴിക്കോട് ∙ കൺനിറയെ പൂക്കാഴ്ചകളുമായി ജനപ്രിയമാവുകയാണ് ബേപ്പൂരിലെ പുഷ്പമേള. സെപ്റ്റംബര്‍ ഏഴ് വരെ നടക്കുന്ന ഓണാഘോഷം ‘മാവേലിക്കസ് 2025’ന്റെ ഭാഗമായാണ് വർണപ്പൊലിമയുമായി 20,000 ചതുരശ്രയടി പവിലിയനിൽ ബേപ്പൂർ മറീന ബീച്ചിൽ പുഷ്പോദ്യാനം ഒരുക്കിയത്.
വിവിധ നിറത്തിലുള്ള ജമന്തി, ചെണ്ടുമല്ലി, ഡാലിയ, റോസ്, വാടാമല്ലി, കോസ്മോസ്, ഡെലീഷ്യ, സാൽവിയ, മാരിഗോൾഡ്, പെറ്റൂണിയ, ഡെൻഫീനിയ, പാൻസി, ഫ്ലോക്സ്, ഡയാന്തസ് തുടങ്ങി ഒട്ടേറെ പൂക്കാഴ്ചകളാണ് സഞ്ചാരികളെ കാത്തിരിക്കുന്നത്. സെൽഫിയെടുക്കാനായി സെൽഫികോർണറും ഒരുക്കി.
പൂക്കൾകൊണ്ട് ഒരുക്കിയ വിവിധ രൂപങ്ങളും മറ്റും മേളയിലെ മുഖ്യ ആകർഷണമാണ്.
ഉദ്യാനങ്ങളിലേക്ക് ആവശ്യമായ ചെടികളും വളവും മറ്റു വസ്തുക്കളും വാങ്ങാനുള്ള അവസരവും ഷോയുടെ ഭാഗമായുണ്ട്. രാവിലെ 11 മുതൽ രാത്രി എട്ട് മണി വരെയാണ് പ്രവേശനം.
മുതിർന്നവർക്ക് 30 രൂപയും കുട്ടികൾക്ക് 10 രൂപയുമാണ് പ്രവേശന ഫീസ്. ഫ്ളവർഷോ ഏഴിന് സമാപിക്കും.
തേക്കടി മണ്ണാറത്തറയിൽ ഗാർഡൻസാണു ബീച്ചിൽ ഉദ്യാനം ഒരുക്കിയത്.
∙ വായനയുടെ പുതുലോകം തീർത്ത് പുസ്തകോത്സവം
കോഴിക്കോട്ടെ കടലോരത്ത് വായനയുടെ ആകാശം തുറന്ന് പുസ്തകോത്സവത്തിനു തുടക്കമായി. ‘മാവേലിക്കസ് 2025’ന്റെ ഭാഗമായാണ് പുസ്തകോത്സവം ആരംഭിച്ചത്.
മനോരമ, ഡിസി ബുക്സ്, മാതൃഭൂമി, ഇൻസൈറ്റ്, ഹരിതം, ഒലിവ്, ജ്ഞാനേശ്വരി തുടങ്ങിയവരുമായി സഹകരിച്ചാണ് പുസ്തകമേള. എല്ലാ വിഭാഗങ്ങളിലുമുള്ള പുസ്തകങ്ങൾ വാങ്ങാനുള്ള അവസരവും ഉണ്ട്.
∙ മാവേലിക്കസിൽ ബുധനാഴ്ച
കോഴിക്കോട് ബീച്ച്: നവ്യ നായർ ഡാൻസ് ഷോ
ലുലു മാൾ: മസാല കോഫി, ഹനാൻ ഷാ മ്യൂസിക് ഷോ
ബേപ്പൂർ ബീച്ച്: ആശാ ശരത് ഡാൻസ് ഷോ
സർഗാലയ: ബിജിബാൽ നയിക്കുന്ന സംഗീത പരിപാടി
ഭട്ട് റോഡ് ബീച്ച്: ദേവരാജൻ മെഗാ ഷോ
മാനാഞ്ചിറ: മുടിയേറ്റ്, തിരുവാതിരക്കളി
കുറ്റിച്ചിറ: ബാപ്പു വെള്ളിപ്പറമ്പ് നയിക്കുന്ന മാപ്പിളപ്പാട്ട്
തളി: ഒറ്റ ബൈ തുടിപ്പ്, ഗായത്രി മധുസൂദൻ അവതരിപ്പിക്കുന്ന “കുസുമേ കുസുമോത്പത്തി” (മോഹിനിയാട്ട
കച്ചേരി) ടൗൺ ഹാൾ: നാടകം- തങ്കനാട്ടം, എസ്കേപ്പ്. …
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
