പൊൻകുന്നം ∙ കോയിപ്പള്ളിയിലേക്കുള്ള 2 റോഡുകളും തകർന്നതു നാട്ടുകാരുടെ യാത്ര ദുരിതപൂർണമാക്കി. ടൗണിൽ സ്വകാര്യ ബസ് സ്റ്റാൻഡിന് സമീപത്തുനിന്നു കോയിപ്പള്ളിയിലേക്കും കെകെ റോഡിൽ കെഎസ്ഇബി ഓഫിസിനു സമീപത്തുനിന്നു താന്നിമൂട് വഴി കോയിപ്പള്ളിക്കുള്ള റോഡുമാണ് തകർന്നത്.
റോഡിൽ സ്വിമ്മിങ് പൂൾ ആക്കിത്തന്ന ചിറക്കടവ് പഞ്ചായത്തിനും വാർഡംഗത്തിനും ജലഅതോറിറ്റിക്കും ഹൃദയം നിറഞ്ഞ അഭിനന്ദനങ്ങൾ എന്നെഴുതിയ ബോർഡ് കോൺഗ്രസ് ചിറക്കടവ് 2,3 വാർഡ് കമ്മിറ്റികൾ ചേർന്നു റോഡരികിൽ സ്ഥാപിക്കുകയും ചെയ്തു.
ചിറക്കടവ് പഞ്ചായത്തിലെ 2, 3 വാർഡുകളിലെ ജനങ്ങൾ ഉപയോഗിക്കുന്ന റോഡാണ് തകർന്നത്. ബസ് സ്റ്റാൻഡ് കോയിപ്പള്ളി റോഡാണ് കൂടുതൽ തകർന്നത്.
കുത്തിറക്കത്തിലും കയറ്റത്തിലുമുള്ള കുഴി ഒഴിവാക്കി ഇരുചക്രവാഹനങ്ങൾക്കു പോലും കടന്നുപോകാനാകാത്ത വിധം റോഡ് തകർന്നു. കാറുകൾ കടന്നു പോകുമ്പോൾ അടിഭാഗം ഇടിച്ചാണു കടന്നുപോകുന്നത്.
ഇതുമൂലം വാഹനങ്ങൾക്കും കേടുപാടുകൾ സംഭവിക്കാൻ കാരണമാകുകയാണ്. മഴ പെയ്താൽ വെള്ളം റോഡിലൂടെ ഒഴുകി കുഴി ശ്രദ്ധയിൽപെടാതെ വാഹനങ്ങൾ കുഴിയിൽ ചാടി നിയന്ത്രണം വിട്ട് അപകടങ്ങളും പതിവാണെന്നും നാട്ടുകാർ ആരോപിച്ചു.
ഓട്ടോറിക്ഷകൾ ഓട്ടം പോകാനും മടിക്കുന്നു. സ്കൂൾ ബസുകളടക്കം ഒട്ടേറെ വാഹനങ്ങളും ഇതു വഴികളിലൂടെയാണ് കടന്നുപോകുന്നത്. റോഡുകളുടെ അറ്റകുറ്റപ്പണികൾ നടത്തിയില്ലെങ്കിൽ പ്രക്ഷോഭ പരിപാടികൾ സംഘടിപ്പിക്കാനൊരുങ്ങുകയാണ് നാട്ടുകാരും സംഘടനകളും.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
