കേരകർഷകർ പ്രതിസന്ധിയിൽ: മണ്ഡരി ബാധിച്ച് തെങ്ങുകൾ

പാമ്പാടി ∙ കേരകർഷകർക്ക് ഭീഷണിയായി പാമ്പാടിയിലും സമീപപ്രദേശങ്ങളിലും തെങ്ങുകളിൽ മണ്ഡരി രോഗം. ഇതോടെ കേരകർഷകർക്ക് കായ്ഫലങ്ങൾ കുറഞ്ഞു.

ചെല്ലി ശല്യത്തിനു പിന്നാലെ മണ്ഡരി രോഗം കൂടി എത്തിയതോടെ കേര കർഷകർ പ്രതിസന്ധിയിലാണ്. മച്ചിങ്ങയിലാണ് (വെള്ളയ്ക്ക) ആദ്യം മണ്ഡരിയുടെ ആക്രമണം ഉണ്ടാവുക.

തോടിനുള്ളിൽ ഇളംമഞ്ഞ നിറത്തിലുള്ള പാടുകളായി രോഗലക്ഷണം പ്രത്യക്ഷപ്പെടും.
പിന്നീട് ഇത് തവിട്ടുനിറത്തിലായി മച്ചിങ്ങയുടെ ഇളംപ്രായത്തിൽ ഈ കീടം ചാറ് ഊറ്റിക്കുടിക്കുകയും തേങ്ങയുടെ തൊണ്ടു വിണ്ടുകീറി നെടുനീളത്തിൽ കാണപ്പെടുകയും ചെയ്യും. പിന്നാലെ തേങ്ങ കുരുടിച്ച് പൊതിച്ചെടുക്കാൻ കഴിയാത്ത വിധത്തിൽ ആകുന്നു.

മണ്ഡരിയെ നിയന്ത്രിക്കുന്നതിന് അധികൃതർ നടപ‍ടി സ്വീകരിക്കുന്നില്ലെന്നാണ് കേരകർഷകരുടെ പരാതി. …