തലയോലപ്പറമ്പ് ∙ വീട്ടുമുറ്റത്തുനിന്നു പെരുമ്പാമ്പിനെ സർപ്പ അംഗം പിടികൂടി. തലയോലപ്പറമ്പ് ഉമ്മാംകുന്ന് ഗോകുലത്തിൽ സുജാതയുടെ വീട്ടുമുറ്റത്തു നിന്ന് ഏകദേശം 6അടിയോളം നീളമുള്ള പെരുമ്പാമ്പിനെയാണ് പിടികൂടിയത്.
ഇന്നലെ രാവിലെ 6 മണിയോടെ വീടിന്റെ മുൻവശത്തെ വാതിൽ തുറന്ന് മുറ്റം അടിച്ചുവാരുന്നതിനു സുജാത പുറത്തേക്ക് ഇറങ്ങുന്നതിനിടെയാണു പാമ്പിനെ കണ്ടത്. ആളുകളുടെ ശബ്ദം കേട്ടതോടെ പാമ്പ് മുറ്റത്തു കിടന്നിരുന്ന ഒന്നര മീറ്ററോളം നീളമുള്ള പൈപ്പിനുള്ളിൽ കയറി ഒളിച്ചു.
ഇതോടെ പഞ്ചായത്തംഗം ഡൊമിനിക് ചെറിയാനെ വീട്ടുകാർ വിവരം അറിയിച്ചു.
പാമ്പുപിടിത്തത്തിൽ പരിശീലനം ലഭിച്ച സർപ്പ ഗ്രൂപ്പ് അംഗം അരയൻകാവ് സ്വദേശി പി.എസ്.സുജയ് എത്തി പൈപ്പിനുള്ളിൽ നിന്നു പാമ്പിനെ പിടികൂടാൻ ശ്രമം നടത്തിയെങ്കിലും പൈപ്പിനുള്ളിൽ പകുതിയോളം കയറിയ പാമ്പ് തിരിച്ച് ഇറങ്ങാൻ ശ്രമിക്കുന്നതിനിടെ പൈപ്പിനുള്ളിൽ കുടുങ്ങി. പിന്നീട് പൈപ്പ് പൊട്ടിച്ച ശേഷമാണ് പാമ്പിനെ പുറത്തെടുത്തത്.
പിടികൂടിയ പാമ്പിനെ വനം വകുപ്പിന് കൈമാറുമെന്നു സുജയ് പറഞ്ഞു. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
