കാർ മിനിലോറിയുമായി കൂട്ടിയിടിച്ച് അപകടം; സംഭവം ഏറ്റുമാനൂരിൽ പുലർച്ചെ ഒരുമണിയോടെ
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
കോട്ടയം ∙ ഏറ്റുമാനൂർ മഹാദേവക്ഷേത്രത്തിനു സമീപം എംസി റോഡിൽ നിയന്ത്രണം വിട്ട കാർ മിനിലോറിയുമായി കൂട്ടിയിടിച്ച് അപകടം. കാർ യാത്രികരിൽ ഒരാൾ മരിച്ചെന്നു സൂചന. ഇന്നു പുലർച്ചെ ഒരുമണിയോടെയായിരുന്നു സംഭവം. അപകടത്തിൽ ഗുരുതരമായി പരുക്കേറ്റ കാർയാത്രക്കാരായ 3 പേരെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഇവരുടെ പരുക്കു ഗുരുതരമാണെന്നും ഒരാൾ മരിച്ചു എന്നുമാണു പൊലീസ് നൽകുന്ന വിവരം. അഗ്നിരക്ഷാസേനയും ഏറ്റുമാനൂർ പൊലീസും സ്ഥലത്ത് എത്തിയിട്ടുണ്ട്.
അപകടത്തിൽ തകർന്ന കാറിനുള്ളിൽ കുടുങ്ങിയ യാത്രക്കാരെ നാട്ടുകാർ ചേർന്നു കാർ വെട്ടിപ്പൊളിച്ചാണു പുറത്ത് എത്തിച്ചത്. അപകടത്തെത്തുടർന്ന് ഏറ്റുമാനൂർ–എറണാകുളം റൂട്ടിൽ അരമണിക്കൂറോളം ഗതാഗതം തടസ്സപ്പെട്ടു. അപകടത്തിൽപെട്ടവരുടെ പേരുവിവരങ്ങൾ ലഭ്യമായിട്ടില്ലെന്നു മെഡിക്കൽ കോളജ് ആശുപത്രി അധികൃതർ പറഞ്ഞു.
