ലിഫ്റ്റ് പ്രവർത്തനം ആരംഭിച്ചില്ല; യാത്രക്കാരന്റെ ലഗേജ് എടുക്കാൻ സഹായിച്ച് ലോക്കോ പൈലറ്റ്

ചങ്ങനാശേരി ∙ റെയിൽവേ സ്റ്റേഷനിലെ ലിഫ്റ്റിന്റെ പ്രവർത്തനം ആരംഭിച്ചില്ല. യാത്രക്കാരന്റെ ലഗേജ് പ്ലാറ്റ്ഫോമിലെത്തിക്കാൻ സഹായിച്ച് ലോക്കോപൈലറ്റ്.

അജയ്‌കുമാർ എന്ന യാത്രക്കാരനാണ് ലോക്കോപൈലറ്റ് ചെയ്ത സഹായം സമൂഹമാധ്യമത്തിലൂടെ പങ്കുവച്ചത്. ചങ്ങനാശേരി റെയിൽവേ സ്റ്റേഷനിലായിരുന്നു സംഭവം.

മുതിർന്ന പൗരനായ അജയ്‌കുമാറും ഭാര്യയുമാണ് ഒന്നാം നമ്പർ പ്ലാറ്റ്ഫോമിലെത്തിയത്. പുതുതായി നിർമിച്ച ലിഫ്റ്റിന്റെ പ്രവർത്തനം ആരംഭിച്ചിരുന്നില്ല.
ലഗേജുമായി നടപ്പാലം കയറുകയായിരുന്നു പോംവഴി.

ലഗേജ് എടുക്കാൻ റെയിൽവേ പോർട്ടർമാരും ഇല്ലായിരുന്നു. ദമ്പതികളുടെ നിസ്സഹായാവസ്ഥ കണ്ട് ലോക്കോപൈലറ്റ് ലഗേജ് ഒന്നാം പ്ലാറ്റ്ഫോമിൽ നിന്നു 2ാം പ്ലാറ്റ്ഫോമിൽ എത്തിച്ചു നൽകി. പേര് അറിയില്ലെങ്കിലും തിരുവനന്തപുരം ഭാഗത്തേക്ക് പോയ ട്രെയിനിന്റെ ലോക്കോപൈലറ്റാണ് സഹായിച്ചതെന്ന് അജയ്‌കുമാർ എക്സിൽ പങ്ക‌ുവച്ച കുറിപ്പിൽ പറയുന്നു.
ഇനിയും ചുമക്കണോ ?
ലിഫ്റ്റ് പ്രവർത്തനം ആരംഭിക്കാത്തിനാൽ ലഗേജുമായി യാത്രക്കാർ വലിയ നടപ്പാലം കയറിയിറങ്ങണം.

2 നടപ്പാലമാണ് സ്റ്റേഷനിലുള്ളത്. ഒന്നാം പ്ലാറ്റ്ഫോമിൽ നിന്നു രണ്ട്, മൂന്ന് പ്ലാറ്റ്ഫോമുകളെ ബന്ധിപ്പിച്ചാണ് നടപ്പാലം.

… FacebookTwitterWhatsAppTelegram