ആയൂർ ∙ കെഎസ്ആർടിസിയുടെ വരുമാനം വർധിപ്പിക്കുന്നതിനും യാത്രക്കാർക്കു മികച്ച യാത്രാ സൗകര്യം ഒരുക്കുന്നതിനും ഗ്രാമീണ മേഖലകളിൽ പുതിയ ബസ് സർവീസുകൾ ആരംഭിക്കുമെന്നു മന്ത്രി കെ.ബി.ഗണേഷ്കുമാർ. പത്തനാപുരം ഡിപ്പോയിൽ നിന്ന് അറയ്ക്കൽ ക്ഷേത്രം വഴി ആരംഭിച്ച പുതിയ സർവീസിനു ക്ഷേത്രത്തിൽ നൽകിയ സ്വീകരണം ഉദ്ഘാടനം ചെയ്യുകയായിരുന്നു.
അറയ്ക്കൽ ദേവസ്വം സബ് ഗ്രൂപ്പ് ഓഫിസർ പി.ജി.വാസുദേവൻ ഉണ്ണി അധ്യക്ഷത വഹിച്ചു. മേലില പഞ്ചായത്ത് പ്രസിഡന്റ് എബി ഷാജി, പത്തനാപുരം എടിഒ കെ.ബി.സാം, പത്തനാപുരം താലൂക്ക് എൻഎസ്എസ് കരയോഗം സെക്രട്ടറി ജി.അനിൽ കുമാർ, അറയ്ക്കൽ ബാലകൃഷ്ണപിള്ള, പി.അനിൽ കുമാർ, അജിത കുമാരി, ശിവപ്രസാദ് മംഗലം, ക്ഷേത്രം മേൽശാന്തി ടി.ടി.അഭീഷ് എന്നിവർ പ്രസംഗിച്ചു.
രാവിലെയും വൈകിട്ടും 2 സർവീസുകളാണ് നടത്തുന്നത്.
പത്തനാപുരത്തു നിന്നു കുന്നിക്കോട്, മേലില, തടിക്കാട്, അറയ്ക്കൽ ദേവീ ക്ഷേത്രം, പൊലിക്കോട് വഴി എംസി റോഡിൽ എത്തി ആയൂർ, തിരുവനന്തപുരം മെഡിക്കൽ കോളജ് വഴി തിരുവനന്തപുരത്തേക്കാണു പുതിയ കെഎസ്ആർടിസി ഫാസ്റ്റ് സർവീസ് ആരംഭിച്ചത്. രാവിലെ 7.10നും വൈകിട്ട് 6.25നും ബസ് അറയ്ക്കലിലെത്തും.
മേലിലയിൽ നിന്നു അറയ്ക്കൽ ക്ഷേത്രം വരെ മന്ത്രി ബസ് ഓടിച്ചു. യോഗത്തിൽ കെഎസ്ആർടിസി ജീവനക്കാരെ ആദരിച്ചു.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
