അഞ്ചാലുംമൂട്∙ ഷോർട് സർക്കീറ്റിലൂടെ തീ പടർന്ന് വീടിന്റെ രണ്ടാംനില ഭാഗികമായി കത്തി നശിച്ചു. വെള്ളി രാത്രി 12ന് പെരുമൺ ക്ഷേത്രത്തിന് സമീപം ഗോപകുമാറിന്റെ ചന്ദ്രമംഗലത്ത് വീടിന്റെ മുകളിലെ മുറിയിലാണ് തീ പടർന്നത്.
മുറിയിൽ ഉറങ്ങാൻ കിടന്ന ഗോപകുമാറിന്റെ മകന്റെ ദേഹത്തേക്ക് തീപ്പൊരി വീണു. ഉടൻ തന്നെ മുറിയിൽ നിന്ന് ഇറങ്ങി ഓടിയതിനാൽ പൊള്ളൽ ഏൽക്കാതെ രക്ഷപ്പെട്ടു.
മുറിയിലെ അലമാര ഉൾപ്പെടെയുള്ള ഉപകരണങ്ങൾ പൂർണമായും കത്തി നശിച്ചു. ചാമക്കട, കുണ്ടറ എന്നിവിടങ്ങളിൽ നിന്ന് അഗ്നി രക്ഷാസേന എത്തി തീ അണച്ചു.
ഷോർട് സർക്കീറ്റ് കാരണം എസിയിൽ നിന്ന് തീ പടർന്നതാകാമെന്നാണ് പ്രാഥമിക നിഗമനം. 5 ലക്ഷം രൂപയുടെ നഷ്ടം ഉണ്ടായതായി വീട്ടുകാർ അറിയിച്ചു.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
