മണ്ണിടിച്ചിൽ മൂലം അടച്ചിട്ട പാൽച്ചുരം റോഡ് തുറന്നു; രാത്രി ഗതാഗത നിയന്ത്രണം

കൊട്ടിയൂർ ∙ മണ്ണിടിച്ചിൽ ഉണ്ടായതിനെത്തുടർന്ന് വാഹനഗതാഗതം തടസ്സപ്പെട്ട കൊട്ടിയൂർ ബോയ്സ് ടൗൺ ചുരം റോഡ് 22ന് വൈകിട്ടു തുറന്നുകൊടുത്തു.

എന്നാൽ രാത്രികാല ഗതാഗതത്തിന് നിയന്ത്രണം ഏർപ്പെടുത്തിയിട്ടുണ്ട്. കണ്ണൂർ, വയനാട് ജില്ലകളെ ബന്ധിപ്പിക്കുന്ന റോഡിൽ ഞായറാഴ്ചയും തിങ്കളാഴ്ചയുമാണു മണ്ണിടിച്ചിലുണ്ടായത്.

ജില്ലാ അതിർത്തിയിലുള്ള ചെകുത്താൻ തോടിന് സമീപത്ത് ചുരത്തിലെ ഏറ്റവും വീതി കുറഞ്ഞ ഭാഗത്തായിരുന്നു മണ്ണിടിച്ചിൽ.
കല്ലും മണ്ണും കൊക്കയിലേക്ക് തള്ളിയാണ് റോഡ് അതിവേഗം ഗതാഗതയോഗ്യമാക്കിയത്. തുടർന്ന് 22ന് 5 മണിയോടെ റോഡ് തുറക്കാൻ വയനാട്, കണ്ണൂർ കലക്ടർമാർ നിർദേശം നൽകുകയായിരുന്നു.

കനത്തമഴ തുടരുന്നതിനാൽ വീണ്ടും മണ്ണിടിച്ചിലും അപകടങ്ങളുമുണ്ടാകുമെന്ന ആശങ്കയുണ്ടായിരുന്നു. …