മണ്ണെടുപ്പ്: കുപ്പം കപ്പണത്തട്ടിൽ ദേശീയപാത സർവീസ് റോഡ് അപകടാവസ്ഥയിൽ

മണ്ണെടുപ്പ്: കുപ്പം കപ്പണത്തട്ടിൽ ദേശീയപാത സർവീസ് റോഡ് അപകടാവസ്ഥയിൽ തളിപ്പറമ്പ്∙ ദേശീയപാത നിർമാണത്തിന് അശാസ്ത്രീയമായ മണ്ണെടുത്തതോടെ സർവീസ് റോഡ് അപകടാവസ്ഥയിൽ. കുപ്പം കപ്പണത്തട്ടിന് സമീപത്താണ് മണ്ണെടുപ്പ് റോഡിന്റെ അടിയിലേക്കും നീങ്ങിയതോടെ സർവീസ് റോഡ് അപകടാവസ്ഥയിലായത്.

വൈകിട്ടോടെ റോഡിന് താഴെ മണ്ണ് ഇടിഞ്ഞ് തുടങ്ങിയിട്ടുണ്ട്. ഈ സർവീസ് റോഡ് വഴിയുള്ള ഗതാഗതം നിർത്തി വച്ചിരുന്നുവെങ്കിലും പ്രാദേശത്തെ വാഹനങ്ങൾ ഇതുവഴി കടന്ന് പോകുന്നുണ്ട്. റോഡിന് മുകൾഭാഗത്തു കെട്ടിടവും വൈദ്യുതി ലൈനുകളും ഉണ്ട്.

മേഖലയിൽ അപകടകരമായ പ്രവൃത്തികൾ ശ്രദ്ധയിൽപെട്ടതിനെ തുടർന്ന് റവന്യു അധികൃതർ ഇന്നലെ രാവിലെ മുതൽ ഇവിടെ പരിശോധന നടത്തിയിരുന്നു. പിന്നീട് വൈകിട്ടാണ് കപ്പണത്തട്ടിൽ റോഡിന്റെ അടിഭാഗത്ത് മണ്ണിൽ വിളളൽ പ്രത്യക്ഷപ്പെട്ടതായി കണ്ടത്.

പരിയാരം വില്ലേജ് ഓഫിസർ പി.വി.വിനോദിന്റെ നേതൃത്വത്തിൽ റവന്യു അധികൃതർ സ്ഥലത്തെത്തി പരിശോധന നടത്തി. 

…