കണ്ണൂർ ∙ സിപിഎം സംഘടിപ്പിച്ച സമരത്തിൽ പങ്കെടുക്കാത്തതിൽ തൊഴിലുറപ്പ് പണി നിഷേധിച്ചതായി പരാതി. പേരാവൂർ മുരിങ്ങോടി പാറങ്ങോട് ഉന്നതിയിലെ ലക്ഷ്മിയെയാണ് ജോലിക്കെത്തിയപ്പോൾ തിരിച്ചയച്ചെന്ന് പരാതി ഉയർന്നത്.
വയോധികയായ ലക്ഷ്മിക്ക് അസുഖമായതിനാൽ രണ്ടുദിവസം ജോലിക്ക് പോയിരുന്നില്ല. വെള്ളിയാഴ്ച വീണ്ടും ജോലിക്കായി ചെന്നപ്പോഴാണ് സിപിഎം സമരത്തിൽ പങ്കെടുത്തവർ മാത്രം ജോലി ചെയ്താൽ മതിയെന്ന് അറിയിച്ചത്.
വ്യാഴാഴ്ചയാണ് സിപിഎം കേന്ദ്ര സർക്കാരിനെതിരെ സമരം നടത്തിയത്.
തൊഴിലുറപ്പ് നിയമം അട്ടിമറിക്കുന്ന കേന്ദ്ര സർക്കാർ നിലപാടിനെതിരെയായിരുന്നു സമരം. ജില്ലയിലെ പല ഭാഗത്തുനിന്നുള്ള തൊഴിലുറപ്പ് തൊഴിലാളികളോട് സമരത്തിൽ പങ്കെടുക്കാൻ ആവശ്യപ്പെട്ടിരുന്നു.
എന്നാൽ ആളുകൾ കൂടുതലായതുകൊണ്ടാണ് ലക്ഷ്മിയെ മാറ്റിയതെന്നാണ് നൽകുന്ന വിശദീകരണം.
42 പണിയാണ് ഉണ്ടായിരുന്നത്. 49 ആളുകൾ പണിക്കെത്തി.
അത്രയും ആളുകൾക്ക് പണിയെടുക്കാൻ സാധിക്കില്ലായിരുന്നു. അതോടെ തൊഴിലാളികൾ ചേർന്നാണ് സമരത്തിൽ പോയവർ പണി എടുക്കട്ടെ എന്ന് തീരുമാനിച്ചതെന്നാണ് പറയുന്നത്.
… FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
