കണ്ണൂർ ∙ ദേശീയപാത നിർമാണം പൂർത്തിയാകുമ്പോൾ ദേശീയപാതയിലുണ്ടാകുന്ന യാത്രക്ലേശം പരിഹരിക്കാൻ നടാൽ ഒ.കെ യുപി സ്കൂളിന് സമീപം അടിപ്പാത നിർമിക്കുമോ എന്ന് 24ന് അറിയാം. നടാലിൽ അടിപ്പാത സ്ഥാപിക്കുന്നതു സംബന്ധിച്ച് അന്നു കലക്ടറേറ്റിൽ സർവകക്ഷിയോഗം ചേരും.മന്ത്രി രാമചന്ദ്രൻ കടന്നപ്പള്ളി, കലക്ടർ അരുൺ കെ.വിജയൻ എന്നിവരുടെ സാന്നിധ്യത്തിൽ ചേർന്ന ദേശീയപാത അതോറിറ്റി ഉദ്യോഗസ്ഥർ, ജില്ലാ ബസ് ഉടമസ്ഥ സംഘം പ്രതിനിധികൾ, നടാൽ അടിപ്പാത കർമസമിതി പ്രതിനിധികൾ എന്നിവരുടെ യോഗത്തിലാണു തീരുമാനം.
നടാലിൽ അടിപ്പാത പണിയാനുള്ള സാധ്യത പരിശോധിക്കണമെന്ന് മന്ത്രി രാമചന്ദ്രൻ കടന്നപ്പള്ളിയടക്കമുള്ളവർ യോഗത്തിൽ ആവശ്യപ്പെട്ടു. എന്നാൽ, ദേശീയപാത നിർമാണം അവസാനഘട്ടത്തിലെത്തിയ സാഹചര്യത്തിൽ അടിപ്പാത നിർമിക്കാനാവില്ലെന്ന് ദേശീയപാത അതോറിറ്റി അധികൃതർ പറഞ്ഞു.
പകരം കണ്ണൂരിലേക്കുള്ള എടക്കാട് – നടാൽ സർവീസ് റോഡ് രണ്ടു വരിയാക്കാമെന്നും അറിയിച്ചു. എന്നാൽ ഇത് പ്രായോഗികമല്ലെന്നു ബസ് ഉടമസ്ഥ സംഘവും കർമസമിതിയും പറഞ്ഞതോടെ യോഗം തീരുമാനമാകാതെ പിരിയുകയായിരുന്നു.
ദേശീയപാത നിർമാണം പൂർത്തിയായാൽ തോട്ടട
വഴി തലശ്ശേരിയിലേക്കു പോകുന്ന വലിയ വാഹനങ്ങൾക്ക് 7 കിലോമീറ്റർ അധികം ദൂരം ഓടേണ്ടിവരും. ഇതുപരിഹരിക്കാൻ, തലശ്ശേരിയിലേക്കുള്ള സർവീസ് റോഡിലേക്ക് വലിയ വാഹനങ്ങൾക്കും പ്രവേശിക്കാൻ കഴിയുന്നവിധത്തിൽ നടാലിൽ അടിപ്പാത വേണമെന്ന് ആവശ്യം.
ബസ് സമരം; കണ്ണൂർ–തോട്ടട–തലശ്ശേരി റൂട്ടിൽ വീണ്ടും യാത്രാപ്രതിസന്ധി
കണ്ണൂർ ∙ പഴയ ദേശീയപാതയിലെ കണ്ണൂർ–തോട്ടട–തലശ്ശേരി റൂട്ടിൽ ഗതാഗതക്ലേശം തീരുന്നില്ല.
താഴെചൊവ്വ, നടാൽ റെയിൽവേ ഗേറ്റുകളുടെയും റെയിൽവേ ട്രാക്കിന്റെയും അറ്റകുറ്റപ്പണിക്കായി ദിവസങ്ങളോളം ഗേറ്റ് അടച്ചിടുന്നത് റൂട്ടിൽ ഗതാഗതം സ്തംഭിക്കാനിടയാക്കിയിരുന്നു. ദേശീയപാത നിർമാണം പൂർത്തിയാകുമ്പോൾ പഴയ ദേശീയപാതയിലുണ്ടാകാൻ പോകുന്ന ഗതാഗതക്ലേശം പരിഹരിക്കാൻ നടപടിയില്ലാത്തതിൽ പ്രതിഷേധിച്ച് സ്വകാര്യ ബസുകളുടെ ഓട്ടം നിർത്തിവച്ചുള്ള സമരങ്ങളും യാത്രക്കാരെ പ്രതിസന്ധിയിലാക്കും.
നടാൽ ഒ.കെ യുപി സ്കൂളിന് സമീപം അടിപ്പാത നിർമിക്കാൻ ദേശീയപാത അതോറിറ്റിയും സർക്കാരും തയാറാവാത്തതിൽ പ്രതിഷേധിച്ചാണു ജില്ലാ ബസ് ഓപ്പറേറ്റേഴ്സ് കോഓർഡിനേഷൻ കമ്മിറ്റിയുടെ നേതൃത്വത്തിൽ റൂട്ടിലെ ബസുകൾ 28 മുതൽ അനിശ്ചിതകാല സമരം പ്രഖ്യാപിച്ചത്.
കെഎസ്ആർടിസി ബസ് സർവീസ് നടത്താത്ത റൂട്ടിൽ സ്വകാര്യ ബസ് സമരം യാത്രാക്ലേശം രൂക്ഷമാക്കും.സമരത്തിന് പിന്തുണ പ്രഖ്യാപിച്ച് 28ന് ജില്ലയിൽ സ്വകാര്യബസുകൾ ഓടില്ലെന്നു ബസ് ഉടമസ്ഥ സംഘം പ്രഖ്യാപിച്ചിട്ടുമുണ്ട്. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
