ആന്ധ്രയിൽനിന്ന് വിൽക്കാൻ കൊണ്ടുവന്ന ഇരുതലമൂരിയുമായി 5 പേർ അറസ്റ്റിൽ

ആന്ധ്രയിൽനിന്ന് വിൽക്കാൻ കൊണ്ടുവന്ന ഇരുതലമൂരിയുമായി 5 പേർ അറസ്റ്റിൽ പയ്യന്നൂർ  ∙ വിൽക്കാൻ കൊണ്ടുവന്ന ഇരുതലമൂരിയുമായി 2 ആന്ധ്ര സ്വദേശികൾ ഉൾപ്പെടെ 5 പേരെ വനം ഉദ്യോഗസ്ഥർ അറസ്റ്റ് ചെയ്തു. 2 വാഹനങ്ങളും പിടികൂടി.

കാൽക്കോടി രൂപയ്ക്ക് വിൽക്കാൻ കൊണ്ടുവന്നതാണെന്ന് ഉദ്യോഗസ്ഥർ പറഞ്ഞു.  തൃക്കരിപ്പൂരിലെ ടി.പി.പ്രദീപൻ (49), പിലിക്കോട് മട്ടലായിയിലെ എം.മനോജ് (30), വെള്ളൂർ പഴയതെരുവിലെ കെ.ഭികേഷ് (39), ആന്ധ്ര സ്വദേശികളായ ടി.നവീൻ, കെ.ചന്ദ്രശേഖർ (37) എന്നിവരെയാണ്  അറസ്റ്റ് ചെയ്തത്. ഭികേഷിന്റെ കാറും മനോജിന്റെ സ്കൂട്ടറും കസ്റ്റഡിയിലെടുത്തു.

സമാന കേസിൽ 2020ൽ പ്രദീപിനെ പിടികൂടിയിരുന്നെന്ന് ഉദ്യോഗസ്ഥർ പറഞ്ഞു. ആന്ധ്ര ചിത്തൂരിൽനിന്ന് നവീനും ചന്ദ്രശേഖറുമാണ് ഇരുതലമൂരിയെ പയ്യന്നൂരിൽ എത്തിച്ചത്.  തളിപ്പറമ്പ് ഫോറസ്റ്റ് റേഞ്ച് ഓഫിസർ സനൂപ് കൃഷ്ണന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്.

…