തൊടുപുഴ ∙ കുമാരമംഗലം പഞ്ചായത്തിലെ കറുക – ഏഴല്ലൂർ റോഡിൽ ശുദ്ധജല പൈപ്പ് പൊട്ടി വെള്ളം പാഴാകുന്നതിന് പരിഹാരമായി. ഏകദേശം ഒരു വർഷത്തിലധികമായി ഇവിടെ പൈപ്പ് പൊട്ടി വെള്ളം പാഴാകുന്നു.
ഇതുസംബന്ധിച്ച് മനോരമ വാർത്ത നൽകിയിരുന്നു. കറുക ഗവ.
എൽപി സ്കൂളിനു സമീപമുള്ള റോഡിനു നടുവിലാണ് പൈപ്പ് പൊട്ടിയിരുന്നത്. ഒന്നിടവിട്ട
ദിവസങ്ങളിൽ വെള്ളം വരുന്ന സമയങ്ങളിൽ ലീറ്റർ കണക്കിന് വെള്ളമാണ് പാഴാകുക. ഇതുകാരണം വീടുകളിലേക്ക് എത്തുന്ന വെള്ളത്തിന്റെ അളവ് കുറയുന്ന അവസ്ഥയായിരുന്നു.
ജല ജീവൻ മിഷൻ പദ്ധതിയുടെ ഭാഗമായി സ്ഥാപിച്ച ശുദ്ധജല പൈപ്പാണ് പൊട്ടിയിരുന്നത്.
ആദ്യ കാലങ്ങളിൽ ചോർച്ച ചെറിയ രീതിയിലായിരുന്നു. എന്നാൽ ഭാരമേറിയ വാഹനങ്ങൾ ഉൾപ്പെടെ ദിനംപ്രതി ഒട്ടേറെ വാഹനങ്ങൾ റോഡിലൂടെ പോകുന്നതോടെ പൊട്ടിയ ഭാഗം കൂടുതൽ മോശമായതോടെയാണ് വൻതോതിൽ വെള്ളം പാഴാകാൻ തുടങ്ങിയത്.
പാഴാകുന്ന വെള്ളം മുഴുവനും വീടുകൾക്കും കച്ചവട സ്ഥാപനങ്ങൾക്കും മുന്നിലൂടെ മീറ്ററുകളോളമാണ് ഒഴുകിയെത്തുക.
നിലവിൽ പൈപ്പ് ശരിയാക്കിയതോടെ ഇതിനെല്ലാം പരിഹാരം ആയതിന്റെ ആശ്വാസത്തിലാണ് പ്രദേശവാസികൾ. … FacebookTwitterWhatsAppTelegram
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
