കഥാപ്രസംഗത്തിലും ‘വന്യജീവി ആക്രമണം’
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
തൊടുപുഴ ∙‘തളിരണിയും തരു പാടും ജീവ കാഹള സംഗീതം മാനിഷാദ ചൊല്ലിയ നാട്ടിൽ ഉയരുന്നീ ചോദ്യം ഇവിടെ മനുഷ്യ ജീവനു വിലയുണ്ടോ? മനുഷ്യ ജീവനു വിലയുണ്ടോ ?’ ഈ പാട്ടുംപാടി, വന്യജീവി ആക്രമണത്തിന്റെ കഥ പറഞ്ഞ സംഘത്തിന് കഥാപ്രസംഗത്തിൽ മൂന്നാം സ്ഥാനം. 2013 മാർച്ച് 11ന് കാട്ടാനയാക്രമണത്തിൽ കൊല്ലപ്പെട്ട കുട്ടമ്പുഴ കുഞ്ചിപ്പാറ ആദിവാസി കുടിയിലെ ബദൽ സ്കൂൾ അധ്യാപിക ലിസിയുടെ കഥയാണ് പ്രമേയമായത്.
തൊടുപുഴ മൈലക്കൊമ്പ് സെന്റ് തോമസ് കോളജ് ഓഫ് ടീച്ചർ എജ്യുക്കേഷനിലെ വിദ്യാർഥികളാണ് നാടിനെ നടുക്കുന്ന വന്യജീവി പ്രശ്നം പ്രമേയമാക്കിയത്. ഒന്നാം വർഷ വിദ്യാർഥിനിയായ സിസ്റ്റർ ആനി അഹല്യയാണ് കഥയൊരുക്കി അവതരിപ്പിച്ചത്. രണ്ടാംവർഷ വിദ്യാർഥിയായ ഫാ.സാന്റോ കുര്യൻ, ഒന്നാം വർഷ വിദ്യാർഥിനികളായ ജോഷ്ന ഷൈബി ജോയ്, നേഹ ആൻ മാത്യു എന്നിവരായിരുന്നു സംഘാംഗങ്ങൾ.
