തൊടുപുഴ ∙ ഇടുക്കി ജില്ലയിൽ മഴ വീണ്ടും ശക്തി പ്രാപിച്ചു. ഓറഞ്ച് അലർട്ട് നിലനിന്നിരുന്ന 16ന്, തൊടുപുഴ ഉൾപ്പെടെ ലോറേഞ്ച് മേഖലകളിൽ ഇടവേളയില്ലാതെ പകൽ ശക്തമായ മഴയായിരുന്നു.
ഹൈറേഞ്ചിലും ഇടവിട്ട് ശക്തമായ മഴ ലഭിച്ചു. കാര്യമായ കെടുതികൾ വൈകിട്ടുവരെ റിപ്പോർട്ട് ചെയ്തിട്ടില്ലെങ്കിലും കനത്തമഴ തുടരുന്നതിനാൽ പല പ്രദേശങ്ങളിലും ആശങ്ക നിലനിൽക്കുന്നുണ്ട്. ജില്ലയിൽ 17 മുതൽ 19 വരെ യെലോ അലർട്ടുണ്ട്.
ഒറ്റപ്പെട്ട ശക്തമായ മഴ തുടരുമെന്നാണ് കാലാവസ്ഥാ പ്രവചനം.
മഴയ്ക്കൊപ്പം കാറ്റിനും സാധ്യതയുണ്ട്.
പൊതുജനങ്ങൾ ജാഗ്രത പാലിക്കണമെന്ന് നിർദേശമുണ്ട്. ജൂൺ 1 മുതൽ 16 രാവിലെ വരെ ജില്ലയിൽ 738.6 മില്ലിമീറ്റർ മഴ ലഭിച്ചു.
സാധാരണ ലഭിക്കാറുള്ളത് 1149 മില്ലിമീറ്റർ. കാലവർഷത്തിൽ നിലവിൽ 36 ശതമാനം മഴക്കുറവാണ് രേഖപ്പെടുത്തിയിട്ടുള്ളത്.
…
ദിവസം ലക്ഷകണക്കിന് ആളുകൾ വിസിറ്റ് ചെയ്യുന്ന ഞങ്ങളുടെ സൈറ്റിൽ നിങ്ങളുടെ പരസ്യങ്ങൾ നൽകാൻ ബന്ധപ്പെടുക വാട്സാപ്പ് നമ്പർ 7012309231 Email ID [email protected]
